លោក Pham Quang Hieu អនុរដ្ឋមន្រ្តីក្រសួងការបរទេសវៀតណាម​ ផ្ញើសារជូនពរឆ្នាំថ្មីឆ្នាំ ២០២៣ ដល់ប្រជា​​​អាណិកជន​​នៅ​ទូ​ទាំងពិភពលោក

លោក Pham Quang Hieu អនុរដ្ឋមន្ត្រីក្រសួងការបរទេសវៀតណាម (រូបថត៖ vnanet.vn)

ក្នុងសារលិខិតនេះ លោកអនុរដ្ឋមន្ត្រី Pham Quang Hieu បានសង្កត់ធ្ងន់ថា អាណិកជនម្នាក់ៗបាននិងកំពុងក្លាយទៅជា “ឯកអគ្គរដ្ឋទូតប្រជាជន”  ដើម្បីផ្សព្វផ្សាយ និងជាស្ពានដ៏សំខាន់ រួមចំណែកនាំវៀតណាមទៅកាន់ពិភពលោក និងនាំពិភពលោកមកវៀតណាម។ នាពេលខាងមុខ ក្រសួងការបរទេស និងគណៈកម្មាធិការរដ្ឋទទួលបន្ទុកជនវៀតណាមនៅឯបរទេស នឹងបន្តសហការយ៉ាងជិតស្និទ្ធជាមួយស្ថាប័នទាំងក្នុងនិងក្រៅប្រទេស ដើម្បីថែទាំនិងជួយឧបត្ថម្ភប្រជាជនឲ្យមានឋានៈគតិយុត្តដ៏រឹងមាំ និងជីវភាពរស់នៅកាន់តែមានស្ថេរភាពអភិវឌ្ឍន៍ ធ្វើសមាហរណកម្មស៊ីជម្រៅទៅក្នុងសង្គមនៃប្រទេសសាមី ព្រមទាំងបង្កលក្ខណៈងាយស្រួលដើម្បីអាណិកជនផ្សារភ្ជាប់ជាមួយស្រុកកំណើត និងប្រទេសជាតិ។ អនុរដ្ឋមន្ត្រីជឿជាក់ថា សហគមន៍ជនវៀតណាមនៅឯបរទេសជាង ៥.៣ លាននាក់ នឹងរួមដៃគ្នាកសាងសហគមន៍កាន់តែរីកចម្រើន រួមចំណែកនាំប្រទេសយើងក្លាយជាប្រទេសដ៏ខ្លាំងមាំមួននិងសម្បូររុងរឿង ប្រៀបប្រដូចនឹងមហាអំណាចនានាលើពិភពលោក៕

តាម vovworld.vn