លោកនាយករដ្ឋមន្ត្រី Pham Minh Chinh បំពេញទស្សនកិច្ចការងារនៅខេត្ត Nghe An

នៅកម្មវិធី លោកនាយករដ្ឋមន្ត្រី Pham Minh Chinh បានប្រគល់ផ្ទះសប្បុរសធម៌ចំនួន ២០ ខ្នង; ក្រសួងវប្បធម៌ កីឡា និងទេសចរណ៍បានប្រគល់អំណោយចំនួន ៧៥ ជូនគ្រួសារទទួលរបបគោលនយោបាយពីរដ្ឋ នៅស្រុក Anh Son។

លោកនាយករដ្ឋមន្ត្រី Pham Minh Chinh ប្រគល់ផ្ទះសប្បុរសធម៌ចំនួន ២០ ខ្នង ជូនគ្រួសារទទួលរបបគោលនយោបាយពីរដ្ឋ នៅស្រុក Anh Son (រូប​ថត៖ vnanet.vn)

គូររំលឹកថា លោកនាយករដ្ឋមន្ត្រី Pham Minh Chinh និងគណៈប្រតិភូបានដាក់កម្រងផ្កា និងអុជធូបនៅទីបញ្ចុះសពយុទ្ធជនពលីអន្តរជាតិវៀតណាម-ឡាវ និងទៅសួរសុខទុក្ខគ្រួសារទទួលរបបគោលនយោបាយពីរដ្ឋមួយចំនួននៅស្រុក Anh Son។ នៅទីបញ្ចុះសពយុទ្ធជនពលីអន្តរជាតិ​វៀតណាម-ឡាវ លោកនាយករដ្ឋមន្ត្រី និងគណៈប្រតិភូបានដាក់កម្រងផ្កា អុជធូប ឧទ្ទិសកុសលជូនចំពោះវិញ្ញាណក្ខន្ធលោកប្រធានហូជីមិញ និងវីរជនពលីទាំងឡាយដែលពលីជីវិតដើម្បីឯករាជ្យជាតិ សេរីភាពរបស់មាតុភូមិ និងកាតព្វកិច្ចអន្តរជាតិដ៏ថ្លៃថ្នូ ដើម្បីសុភមង្គលរបស់ប្រជាជននៃប្រទេសទាំងពីរវៀតណាម និងឡាវ។

លោកនាយករដ្ឋមន្ត្រី និងគណៈប្រតិភូបានដាក់កម្រងផ្កា អុជធូប ឧទ្ទិសកុសលជូនចំពោះវិញ្ញាណក្ខន្ធលោកប្រធានហូជីមិញ និងវីរជនពលីទាំងឡាយនៅទីបញ្ចុះសពអន្តរជាតិ​យុទ្ធជនពលីវៀតណាម-ឡាវ

អញ្ជើញទៅសួរសុខទុក្ខ និងជូនអំណោយដល់គ្រួសារទទួលរបបគោលនយោបាយពីរដ្ឋមួយចំនួននៅស្រុក Anh Son លោកនាយករដ្ឋមន្ត្រី Pham Minh Chinh បានសួរសុខទុក្ខ សម្តែងការដឹងគុណ ហើយសង្ឃឹមថា ក្រុមគ្រួសារទទួលរបបគោលនយោបាយពីរដ្ឋនឹងលើកកំពស់ស្មារតីបដិវត្តន៍ រួមចំណែកអភិវឌ្ឍន៍ស្រុកកំណើតឲ្យកាន់តែរីកចម្រើនថែមទៀត៕

បកប្រែដោយ Duy Hoan