ពង្រឹងទំនាក់ទំនងទ្វេភាគីរវាងវៀតណាម និងអារ៉ាប់ប៊ីសាអូឌីត
កប.អនឡាញ - នារសៀលថ្ងៃទី ១៣ សីហា ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេស លោក Pham Binh Minh បានជួបសន្ទនាតាមទូរស័ព្ទជាមួយ លោក Faisal bin Farhan Al Saud រដ្ឋមន្រ្តីក្រសួងការបរទេសអារ៉ាប៊ីសាអ៊ូឌីត ដើម្បីពិភាក្សាពីស្ថានភាព និងវិធានការជំរុញទំនាក់ទំនងរវាងប្រទេសទាំងពីរ។
|
|
ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេស លោក Pham Binh Minh (រូបថត៖ hanoimoi.com.vn) |
នៅជំនួបនេះ ភាគីទាំងពីរបានសម្តែងការពេញចិត្តចំពោះការវិវឌ្ឍន៍ជាវិជ្ជមាននៃកិច្ចសហប្រតិបត្តិការលើគ្រប់វិស័យរវាងវៀតណាម និងអារ៉ាប៊ីសាអ៊ូឌីត នាពេលកន្លងមក និងបានសង្កត់ធ្ងន់លើភាពចាំបាច់ដែលត្រូវត្រៀមជាស្រេចជម្រុញថែមទៀតនូវទំនាក់ទំនងទ្វេភាគីក្រោយការរាតត្បាត Covid-19។ ភាគីទាំងពីរបានឯកភាពបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសគណៈប្រតិភូជាន់ខ្ពស់។ ក្នុងបរិបទនៃជំងឺរាតត្បាត Covid-19 កំពុងកើតមានយ៉ាងស្មុគស្មាញនេះ ភាគីទាំងពីរចាំបាច់ត្រូវអនុវត្តឱ្យមានប្រសិទ្ធភាពនូវយន្តការសហប្រតិបត្តិការដែលមានស្រាប់តាមរយៈការជួបសន្ទនាតាមប្រព័ន្ធវីដេអូ។
ក្នុងឱកាសនេះ ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេស លោក Pham Binh Minh បានថ្លែងអំណរគុណចំពោះរដ្ឋាភិបាលអារ៉ាប៊ីសាអូឌីតដែលបានបង្កើតលក្ខខណ្ឌអំណោយផលសម្រាប់សហគមន៍វៀតណាមនៅអារ៉ាប់ប៊ីសាអូឌីត ព្រមទាំងស្នើឱ្យអាជ្ញាធរអារ៉ាប៊ីសាអូឌីតបន្តយកចិត្តទុកដាក់ និងជួយគាំទ្រដល់ពលរដ្ឋវៀតណាមធានាជីវភាពរស់នៅ និងទទួលបានសេវាសុខាភិបាលនៅពេលចាំបាច់។
ក្នុងកិច្ចសន្ទនានេះ ភាគីទាំងពីរក៏បានពិភាក្សាបញ្ហាអន្តរជាតិ និងតំបន់មួយចំនួនដែលមានការយកចិត្តទុកដាក់ដូចគ្នាដែរ៕
បកប្រែដោយ Thanh Cong