កិច្ចពិភាក្សាតាមប្រព័ន្ធវីដេអូក្រោមប្រធានបទ “ប្រទេសវៀតណាម៖ ឱកាសសម្រាប់ការវិនិយោគ និងការធ្វើអាជីវម្ម ក្រោយការរាតត្បាតកូវីដ-១៩”
កប.អនឡាញ - កិច្ចពិភាក្សាតាមប្រព័ន្ធវីដេអូក្រោមប្រធានបទ “ប្រទេសវៀតណាម៖ ឱកាសសម្រាប់ការវិនិយោគ និងការធ្វើអាជីវម្ម ក្រោយការរាតត្បាតកូវីដ-១៩” ដោយក្រសួងការបរទេសវៀតណាម ស្ថានទូតវៀតណាមប្រចាំនៅចក្រភពអង់គ្លេសសហការជាមួយអង្គការ Asia House នៃចក្រភពអង់គ្លេសបានប្រារព្ធធ្វើឡើងនៅរសៀលថ្ងៃទី ២៩ ខែឧសភា។
    |
 |
|
អនុរដ្ឋមន្រ្តីក្រសួងការបរទេសវៀតណាម លោក Bui Thanh Son អញ្ជើញចូលរួមក្នុងកិច្ចពិភាក្សា (រូបថត៖ baochinhphu.vn) |
ថ្លែងក្នុងកិច្ចពិភាក្សានេះ លោកអនុរដ្ឋមន្រ្តី Bui Thanh Son បានមានប្រសាសន៍ថា ប្រទេសវៀតណាមកំពុងឈានដល់ដំណាក់កាលអនុវត្ត “គោលដៅពីរក្នុងពេលតែមាន” ទាំងក្នុងការបង្ការការរីករាលដាលនៃកូវីដ-១៩ផង និងកិច្ចខិតខំប្រឹងប្រែងដើម្បីស្តារ និងអភិវឌ្ឍសេដ្ឋកិច្ចផង។
លោកអនុរដ្ឋមន្ត្រីបានឲ្យដឹងថា នាពេលខាងមុខនេះ ដោយឆ្លៀតយកឱកាសដែលផ្តល់មកពីការដែលចក្រភពអង់គ្លេសបានចាកចេញពីសហភាពអឺរ៉ុប (EU) និងពីឧត្តមភាពរបស់ប្រទេសទាំងពីរនោះ វៀតណាមនិងអង់គ្លេសអាចជំរុញទំនាក់ទំនងភាពជាដៃគូយុទ្ធសាស្ត្រឲ្យកាន់តែរីកច្រើនថែមទៀត។ លោកអនុរដ្ឋមន្រ្តីក៏បានបញ្ជាក់ផងដែរថា វៀតណាមស្វាគមន៍ចំពោះសហគ្រាសបរទេសទាំងអស់ រួមទាំងសហគ្រាសអង់គ្លេសចូលមកវិនិយោគ និងធ្វើអាជីវកម្មនៅវៀតណាម។
ចំណែកសហគ្រាសអង់គ្លេសវិញ ពួកគេយកចិត្តទលើបញ្ហានានាដូចជា៖ បរិយាកាសវិនិយោគ និងការធ្វើអាជីវកម្មនៅវៀតណាម ឱកាសវិនិយោគសម្រាប់សហគ្រាសចក្រភពអង់គ្លេស គោលនយោបាយជំរុញពាណិជ្ជកម្មក្រោយការរាតត្បាតកូវីដ-១៩របស់វៀតណាម ការផ្លាស់ប្តូរខ្សែសង្វាក់ផ្គត់ផ្គង់ និងការអនុវត្តរបស់វៀតណាមលើកិច្ចព្រមព្រៀងពាណិជ្ជកម្មជំនាន់ថ្មីដូចជា កិច្ចព្រមព្រៀងទូលំទូលាយ និងវឌ្ឍនភាពសម្រាប់ភាពជាដៃគូអន្តរប៉ាស៊ីហ្វិក (CPTPP) និងកិច្ចព្រមព្រៀងពាណិជ្ជកម្មសេរីវៀតណាម - សហភាពអឺរ៉ុប (EVFTA) ជាដើម៕
បកប្រែដោយ Thanh Cong