វៀតណាមប្តេជ្ញាចិត្តដោះស្រាយជំលោះនៅសមុទ្រខាងកើតដោយសន្តិវិធី
កប.អនឡាញ - នាថ្ងៃទី ២៧ ឧសភា នៅទីក្រុង Tuy Hoa ខេត្ត Phu Yen នៃប្រទេសវៀតណាម ក្រសួងការបរទេសវៀតណាមសហការជាមួយគណៈកម្មាធិការប្រជាជនខេត្ត Phu Yen បានបើកកិច្ចប្រជុំផ្តល់ព័ត៌មានស្ដីពីស្ថានភាពសមុទ្រខាងកើត និងការងារនៅសមុទ្រកោះវៀតណាម។
    |
 |
|
លោក Le HoaiTrung អនុរដ្ឋមន្រ្តីក្រសួងការបរទេស និងជាប្រធានគណៈកម្មាធិការព្រំដែនជាតិ ថ្លែងនៅក្នុងកិច្ចប្រជុំ |
លោក Le Hoai Trung បានជូនដំណឹងអំពីស្ថានភាពពិភពលោក តំបន់ និងសមិទ្ធិផលនានាក្នុងកិច្ចការបរទេស និងកិច្ចការសមុទ្រខាងកើតនៅពេលថ្មីៗនេះ។
ក្នុងបរិបទពិភពលោក និងតំបន់មានការប្រែប្រួលជាច្រើន វៀតណាមនៅតែរក្សាបរិយាកាសសន្តិភាពដើម្បីអភិវឌ្ឍប្រទេសជាតិ និងកសាងទំនាក់ទំនងល្អជាមួយបណ្តាប្រទេសមហាអំណាច បណ្ដាប្រទេសជិតខាង និងតំបន់ ដោយដំឡើងទំនាក់ទំនងពហុភាគី ការធ្វើសមាហរណកម្មអន្តរជាតិយ៉ាងសកម្ម និងការពាររឹងមាំអធិបតេយ្យភាពជាតិ និងបូរណភាពទឹកដី។ កិត្យានុភាពអន្ដរជាតិរបស់វៀតណាមបន្តពង្រឹង និងពង្រីកដោយឥតឈប់ឈរ។
ប្រឈមមុខនឹងការវិវឌ្ឍដ៏ស្មុគស្មាញនៅសមុទ្រខាងកើតនាពេលថ្មីៗនេះ ទស្សនៈរបស់វៀតណាមគឺប្តេជ្ញាចិត្តដោះស្រាយជំលោះនៅសមុទ្រខាងកើតដោយសន្តិវិធី និងអនុលោមតាមច្បាប់អន្តរជាតិ៕
បកប្រែដោយ Duy Hoan