លោកឧបនាយករដ្ឋមន្ត្រី Vu Duc Dam មានប្រសាសន៍ថា៖ "ត្រូវជួយថែរក្សាបានល្អបំផុតសម្រាប់អណិកជនវៀតណាមដែលវិញត្រឡប់មកមាតុភូមិវិញ"
កប.អនឡាញ - នាព្រឹកថ្ងៃទី ១៨ ខែមីនា ថ្លែងក្នុងកិច្ចប្រជុំរបស់គណៈកម្មាធិការជាតិស្តីពីការទប់ស្កាត់និងប្រយុទ្ធប្រឆាំងនឹង Covid-19 លោកឧបនាយករដ្ឋមន្រ្តី Vu Duc Dam ប្រធានគណៈកម្មាធិការបានមានប្រសាសន៍ថា មានមនុស្សជាច្រើនមកពីប្រទេស និងតំបន់ដែលមានការផ្ទុះឡើងនៃ Covid-19 សម្បីតែមានមនុស្សជាច្រើនដែលឆ្លងជំងឺនេះបានចូលមកប្រទេសវៀតណាមហើយ។
ដូច្នេះ វៀតណាមនឹងត្រូវបន្តកិច្ចខិតខំប្រឹងប្រែងបន្ថែមទៀតដោយបន្តបង្កើនកិច្ចសហការរវាងអង្គភាពនិងកងកម្លាំងនានា រួមទាំងប្រើកម្លាំងមនុស្ស និងបច្ចេកវិទ្យាដើម្បីរកឃើញអ្នកផ្ទុកមេរោគ Covid-19 និងអ្នកដែលបានប៉ះប្រាស្រ័យផ្ទាល់ជាមួយអ្នកផ្ទុកមេរោគ Covid-19 ឲ្យបានឆាប់បំផុតដើម្បីដាក់ឲ្យនៅដាច់ដោយឡែក និងជួយព្យាបាលឲ្យទាន់ពេលវេលា មិនទុកឲ្យរីករាលដាល។
    |
 |
|
លោកឧបនាយករដ្ឋមន្ត្រី Vu Duc Dam ថ្លែងក្នុងកិច្ចប្រជុំ (រូបថត៖ baochinhphu.vn) |
លោកឧបនាយករដ្ឋមន្រ្តីបានស្នើឲ្យបន្តបង្កើនការផ្សព្វផ្សាយព័ត៌មានតាមរយៈគ្រប់បណ្តាញទាំងអស់ដើម្បីណែនាំដល់ពលរដ្ឋវៀតណាមដែលកំពុងសិក្សា និងធ្វើការនៅក្រៅប្រទេសឲ្យអនុវត្តតាមការណែនាំរបស់ប្រទេសសាមី។ ក្នុងករណីដែលជនជាតិវៀតណាមពិតជាត្រូវការវិលត្រឡប់មកមាតុប្រទេសវិញនោះ ទោះបីវៀតណាមនៅតែមានការលំបាកជាច្រើនក៏ដោយ ក៏ប៉ុន្តែបក្ស រដ្ឋ និងប្រជាជននៅក្នុងប្រទេសតែងតែព្យាយាមអស់ពីសមត្ថភាពដើម្បីចាត់វិធានការចាំបាច់ជួយថែរក្សាបានល្អបំផុតសម្រាប់អ្នកដែលត្រឡប់មកមាតុភូមិវិញ។
លោកឧបនាយករដ្ឋមន្រ្តី Vu Duc Dam បានបញ្ជាក់ថា គ្មានអ្វីដែលមានតម្លៃជាងអាយុជីវិតទេ ហើយវៀតណាមនឹងត្រូវធ្វើឱ្យអស់ពីសមត្ថភាពដើម្បីសុខភាព និងអាយុជីវិតរបស់ប្រជាជន៕
បកប្រែដោយ Duy Hoan