លេខាគណៈកម្មាធិការបក្សទីក្រុងហូជីមិញបានទទួលជួបលេខាធិការជាតិនៃគណបក្សកុម្មុយនិស្តបារាំង
កប.អនឡាញ - នាព្រឹកថ្ងៃទី២១ កក្កដា នៅទីក្រុងហូជីមិញ លោក Nguyen Thien Nhan លេខាគណៈកម្មាធិការបក្សទីក្រុងហូជីមិញបានទទួលជួបសន្ទនាជាមួយលោក Fabien Roussel លេខាធិការជាតិនៃគណបក្សកុម្មុយនីស្តបារាំង ដែលកំពុងបំពេញទស្សនកិច្ចការងារនៅប្រទេសវៀតណាម។
|
|
លោក Nguyen Thien Nhan បានទទួលជួបសន្ទនាជាមួយលោក Fabien Roussel (រូបថត៖ vnanet.vn) |
នៅក្នុងជំនួប លោក Nguyen Thien Nhan បានឲ្យដឹងថា ផ្អែកលើមូលដ្ឋាននៃទំនាក់ទំនងសហប្រតិបត្តិការល្អរវាងប្រទេសទាំងពីរក្នុងរយៈពេលកន្លងមក និងទំនាក់ទំនងសហប្រតិបត្តិការរវាងទីក្រុងហូជីមិញជាមួយបារាំង និងមូលដ្ឋាននានារបស់បារាំងទទួលបានលទ្ធផលជាវិជ្ជមាន។ ទីក្រុងហូជីមិញមានបំណងចង់ឱ្យសហគ្រាសបារាំងបន្តរួមចំណែកកាន់តែច្រើនថែមទៀតក្នុងដំណើរការកសាង និងអភិវឌ្ឍទីក្រុងហូជីមិញ ជាពិសេសក្នុងគម្រោងសាងសង់ទីក្រុងឆ្លាត ប្រព័ន្ធគមនាគមន៍....លៗ។
លោក Fabien Roussel បានឲ្យដឹងថា ក្រុមហ៊ុនបារាំងមានប្រៀបខ្លាំងក្នុងការកសាងប្រព័ន្ធគមនាគមន៍ និងអភិវឌ្ឍទីក្រុងឆ្លាត។ គណបក្សកុម្មុយនិស្តបារាំងគាំទ្រការជំរុញឱ្យសហគ្រាសបារាំងចូលមកវិនិយោគ និងធ្វើអាជីវកម្មនៅវៀតណាម ព្រមទាំងលោកនឹងលើកសំណើជូនរដ្ឋាភិបាលបារាំងឲ្យបង្កលក្ខណៈងាយស្រួលបន្ថែមទៀតសម្រាប់សហគ្រាសបារាំងឈានចូលទីផ្សារវៀតណាមដែលក្នុងនោះមានទីក្រុងហូជីមិញ។
លោក Fabien Roussel បានសង្កត់ធ្ងន់ថា គណបក្សកុម្មុយនិស្តបារាំង និងបក្សកុម្មុយនិស្តវៀតណាមមានទំនាក់ទំនងមិត្តភាពសាមគ្គីភាពយូរអង្វែងនិងកិច្ចសហប្រតិបត្តិការជិតស្និទ្ធនិងគោរពគ្នាទៅវិញទៅមកក្នុងការតស៊ូដណ្ដើមឯករាជ្យជាតិ។ ទំនាក់ទំនងល្អរវាងបក្សទាំងពីរគួរតែបន្តត្រូវរក្សានៅពេលអនាគតតាមរយៈកិច្ចសហប្រតិបត្តិការរវាងបក្សទាំងពីរ ដូចជាការរៀបចំសិក្ខាសាលា ការផ្លាស់ប្តូរគណៈប្រតិភូនិងការអនុវត្តកម្មវិធីសហប្រតិបត្តិការដើម្បីផ្ដល់ផលប្រយោជន៍សម្រាប់បក្សទាំងពីរនិងប្រជាជាតិទាំងពីរ៕
បកប្រែដោយ Pham Diep