វៀតណាមស្នើឲ្យភាគីចិនគោរពអធិបតេយ្យភាពរបស់វៀតណាមចំពោះប្រជុំកោះ Hoang Sa និង Truong Sa
កប.អនឡាញ - នាថ្ងៃទី២៣ ឧសភា នៅក្នុងសន្និសីទកាសែតជាប្រចាំនៃក្រសួងការបរទេស ឆ្លើយតបសំណួរមួយចំនួននៃអ្នកយកព័ត៌មានអំពីប្រតិកម្មរបស់វៀតណាមចំពោះការដែលចិនរៀបចំការប្រណាំងទូកក្ដោងពានរង្វាន់ Si Nam នៅតំបន់កោះ Wei Meng ពីថ្ងៃទី២២ ដល់ថ្ងៃទី២៦ ខែមេសា ឆ្នាំ២០១៩ ស្ថិតនៅប្រជុំកោះ Hoang Sa របស់វៀតណាម។
    |
 |
|
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang |
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បានលើកច្បាស់ថា ៖ "វៀតណាមមានមូលដ្ឋានច្បាប់យ៉ាងគ្រប់គ្រាន់និងមានភ័ស្តុតាងប្រវត្តិសាស្រ្តដែលអះអាងនូវអធិបតេយ្យភាពចំពោះប្រជុំកោះ Hoang Sa និង Truong Sa ស្របតាមច្បាប់អន្តរជាតិ។
ការដែលចិនបន្តរៀបចំការប្រណាំងទូកក្ដោងពានរង្វាន់ Si Nam លើកទី៧ នៅប្រជុំកោះ Hoang Sa របស់វៀតណាមបានរំលោភ យ៉ាងធ្ងន់ធ្ងរលើអធិបតេយ្យភាពរបស់វៀតណាមចំពោះប្រជុំកោះនេះ។ វាផ្ទុយទៅនឹងកិច្ចព្រមព្រៀងស្តីពីគោលការណ៍ជាមូលដ្ឋាននៃការដោះស្រាយរាល់បញ្ហាដែនសមុទ្ររវាងវៀតណាមនិងចិន រួមទាំងស្មារតីនៃសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅក្នុងសមុទ្រខាងកើត (DOC) ហើយធ្វើឱ្យស្មុគស្មាញដល់ស្ថានការណ៍និងមិនអំណោយផលដល់ការរក្សាសន្ដិភាព ស្ថិរភាពនិងកិច្ចសហប្រតិបត្តិការនៅសមុទ្រខាងកើត។
វៀតណាមស្នើឱ្យភាគីចិនគោរពអធិបតេយ្យភាពរបស់វៀតណាមចំពោះប្រជុំកោះ Hoang Sa និង Truong Sa ហើយបញ្ឈប់ការធ្វើសកម្មភាពដូចខាងលើ និងមិនបង្កើនភាពតានតឹងនិងស្មុគស្មាញដល់ស្ថានភាពនៅក្នុងតំបន់៕
បកប្រែដោយ Pham Diep