កិច្ចប្រជុំលើកទី៣ នៃមន្រ្តីជាន់ខ្ពស់ APEC ឆ្នាំ២០១៨
កប.អនឡាញ - ពីថ្ងៃទី៤ ដល់ថ្ងៃ២០ សីហា នៅរដ្ឋធានី Port Moresby ប្រទេសប៉ាពួញូហ្គីណេ បានប្រព្រឹត្តឡើងកិច្ចប្រជុំលើកទី៣ នៃមន្រ្តីជាន់ខ្ពស់ APEC កិច្ចប្រជុំលើកទី២ នៃក្រុមចក្ខុវិស័យ APEC និងកិច្ចពិភាក្សារ កិច្ចប្រជុំផ្សេងៗជិត៨០ របស់គណៈកម្មាធិការ និងក្រុមបេសកកម្មសហប្រតិបត្តិការលើវិស័យជាច្រើននៃ APEC។
នេះគឺជាកិច្ចប្រជុំដ៏សំខាន់ ដើម្បីត្រៀមរៀបចំឲ្យព្រឹត្តការណ៍សប្តាហ៍ជាន់ខ្ពស់ APEC ឆ្នាំ២០១៨ នៅរដ្ឋធានី Port Moresby នាខែវិច្ឆិកាខាងមុខនេះ។ កិច្ចប្រជុំនេះមានការអញ្ជើញចូលរួមរបស់តំណាងជិត ២,០០០ នាក់មកខឿនសេដ្ឋកិច្ចជាសមាជិក APEC ចំនួន២១។
|
|
កិច្ចប្រជុំលើកទី៣ នៃមន្រ្តីជាន់ខ្ពស់ APEC ឆ្នាំ២០១៨ (រូបថត៖ cand.com.vn) |
គណៈប្រតិភូវៀតណាមរួមមានតំណាងរបស់ក្រសួងការបរទេស ក្រសួងឧស្សាហកម្ម និងពាណិជ្ជកម្ម ក្រសួងការពារប្រទេស ក្រសួងផែនការនិងវិនិយោគ ក្រសួងកសិកម្មនិងអភិវឌ្ឍន៍ជនបទ ក្រសួងសុខាភិបាល និងអធិការកិច្ចរដ្ឋាភិបាលបានអញ្ជើញចូលរួមកិច្ចប្រជុំ។
ក្នុងកិច្ចប្រជុំ តំណាងទាំងឡាយបានសង្កត់ធ្ងន់ទៅលើការជម្រុញកិច្ចសហប្រតិបត្តិការដើម្បីរក្សាការចងសម្ព័ន្ធក្នុងតំបន់ និងពង្រឹងតួនាទីរបស់ APEC ដែលជាយន្តការសហប្រតិបត្តិការលើវិស័យសេដ្ឋកិច្ចចម្បងក្នុងតំបន់ និងជាកម្លាំងចលករនៃកំណើនតាមរយៈពាណិជ្ជកម្ម ការវិនិយោគសេរី បង្កើតការងារ និងបង្កើនគុណភាពនៃជីវភាពរស់នៅរបស់ប្រជាជនក្នុងតំបន់អាស៊ី - ប៉ាស៊ីហ្វិក៕
បកប្រែដោយ Thuy Anh