បន្តអនុវត្តគោលនយោបាយការធានារ៉ាប់រងសង្គម ការធានារ៉ាប់រងសុខាភិបាលក្នុងជួរកងទ័ពវៀតណាមប្រកបដោយប្រសិទ្ធភាព
កប.អនឡាញ - ដើម្បីជំរុញការឃោសនាពីគោលនយោបាយ ច្បាប់ស្តីពីការធានារ៉ាប់រងសង្គម ការធានារ៉ាប់រងសុខភាពក្នុងជួរកងទ័ព ការបញ្ជ្រាបឲ្យបានយល់ដឹងយ៉ាងច្បាស់ និងទាន់ពេលអំពីសេចក្តីសម្រេចចិត្តនៃសន្និបាតមជ្ឈិមបក្សកុម្មុយនិស្តវៀតណាមលើកទី៧ នីតិកាលទី១២ ស្តីពីការកែទំរង់គោលនយោបាយ ការធានារ៉ាប់រងសង្គម ការធានារ៉ាប់រងសុខភាព ថ្ងៃទី ១៧ ឧសភា ស្ថាប័នធានារ៉ាប់រងសង្គមយោធា និងកាសែតកងទ័ពប្រជាជនវៀតណាមបានរៀបចំរួមគ្នាសិក្ខាសាលា “ការលើកកម្ពស់ប្រសិទ្ធភាពក្នុងការអនុវត្តគោលនយោបាយនៃការធានារ៉ាប់រងសង្គម ការធានារ៉ាប់រងសុខាភិបាលក្នុងជួរកងទ័ព”។
ក្នុងរយៈពេលប៉ុន្មានឆ្នាំចុងក្រោយនេះ ស្ថាប័នធានារ៉ាប់រងសង្គមយោធាបានផ្តល់យោបល់ និងលើកឡើងការផ្តួចផ្តើមគំនិតយ៉ាងសកម្មជូនគណៈអចិន្ត្រៃយ៍នៃគណៈកម្មការបក្សយោធាមជ្ឈិម ថ្នាក់ដឹកនាំក្រសួងការពារប្រទេសអំពីគោលការណ៍ការធានារ៉ាប់រងសង្គម ការធានារ៉ាប់រងសុខាភិបាលចំពោះយោធិន និងគោលនយោបាយនានាដែលពាក់ព័ន្ធនឹងការអភិវឌ្ឍសេដ្ឋកិច្ច សង្គមកិច្ច ព្រមទាំងអនុវត្តប្រកបដោយប្រសិទ្ធភាពនូវរាល់គោលការណ៍ថ្មីៗអំពីការធានារ៉ាប់រងសង្គម ការធានារ៉ាប់រងសុខាភិបាលសម្រាប់យោធិន និងអ្នកចុះកិច្ចសន្យាការងារគ្រប់រូប។
គោលការណ៍ធានារ៉ាប់រងសុខាភិបាលត្រូវបានអនុវត្តយ៉ាងពេញលេញក្នុងជួរកងទ័ពចំពោះបណ្តាមុខសញ្ញាជាយោធិន អ្នកចុះកិច្ចសន្យាការងារ ជាពិសេសបានអនុវត្តគោលនយោបាយធានារ៉ាប់រងសុខាភិបាលយោធាត្រឹមត្រូវតាមផែនការដែលបានកំណត់ដោយរដ្ឋាភិបាល និងក្រសួងការពារប្រទេស។
សិក្ខាសាលានេះត្រូវបានផ្តោតលើការយកចិត្តទុកដាក់ ការធ្វើឱ្យស៊ីជំរៅនូវលទ្ធផលដែលសម្រេចបាន ការផ្លាស់ប្តូរបទពិសោធន៍ដ៏ល្អ ព្រមទាំងលើកឡើងនូវរាល់ចំណុចដែលជាគុណសម្បត្តិ និងគុណវិបត្តិក្នុងការអនុវត្តរបបធានារ៉ាប់រងសង្គមនិងរបបធានារ៉ាប់រងសុខាភិបាលក្នុងជួរកងទ័ព៕
បកប្រែដោយ Minh Trung