សំណួរនិងចម្លើយអំពីច្បាប់
លក្ខខណ្ឌសម្រាប់ការរៀបចំការបង្រៀនភាសាជនជាតិភាគតិចនៅគ្រឹះស្ថានអប់រំ និងមណ្ឌលអប់រំបន្ដប្រចាំត្រូវបានកំណត់យ៉ាងដូចម្ដេច?
កប.អនឡាញ - មិត្តអ្នកអាន Vu Van Nam នៅឃុំ Binh Nguyen ស្រុក Binh Son ខេត្ត Quang Ngai បានសួរថា៖ តើលក្ខខណ្ឌសម្រាប់ការរៀបចំបង្រៀនភាសាឲ្យជនជាតិភាគតិចនៅគ្រឹះស្ថានអប់រំ និងមណ្ឌលអប់រំបន្តប្រចាំ ត្រូវបានកំណត់យ៉ាងដូចម្ដេច?
ចម្លើយ៖ បញ្ហាដែលអ្នកសួរមានចែងក្នុងមាត្រាទី ២ ក្នុងសារាចរណែនាំលេខ ៣២/២០២១/TT-BGDDT របស់រដ្ឋមន្ត្រីក្រសួងអប់រំនិងបណ្តុះបណ្តាលវៀតណាមណែនាំអំពីការអនុវត្តមាត្រាមួយចំនួនក្នុងអនុក្រឹត្យលេខ ៨២/២០១០/ ND-CP ចុះថ្ងៃទី ១៥ ខែកក្កដា ឆ្នាំ ២០១០ របស់រដ្ឋាភិបាលស្ដីពីការបង្រៀន និងរៀនភាសារបស់ជនជាតិភាគតិចនៅគ្រឹះស្ថានអប់រំ និងមជ្ឈមណ្ឌលអប់រំបន្តប្រចាំដូចតទៅ៖
១. ជនជាតិភាគតិចនៅមូលដ្ឋានមានបំណង និងតម្រូវការរៀនភាសាជនជាតិភាគតិចនៅក្នុងគ្រឹះស្ថានអប់រំ។
២. តារាងអក្សរភាសាជនជាតិភាគតិចដែលបានបង្រៀន និងរៀននៅក្នុងគ្រឹះស្ថានអប់រំត្រូវតែជាអក្សរដែលត្រូវបានផ្សព្វផ្សាយ និងប្រើប្រាស់យ៉ាងទូលំទូលាយនៅក្នុងសហគមន៍ជនជាតិភាគតិច ហើយបានអនុម័តដោយគណៈកម្មាធិការប្រជាជនថ្នាក់ខេត្ត និងទីក្រុងចំណុះមជ្ឈិម ឬរដ្ឋាភិបាល។ សម្រាប់ភាសាជនជាតិភាគតិចដែលមានតួអក្សរច្រើន ការជ្រើសរើសអក្សរសម្រាប់បង្រៀនត្រូវសម្រេចដោយក្រសួងអប់រំ និងបណ្តុះបណ្តាល។
|
|
រូបថតឧទាហរណ៍ ៖ baochinhphu.vn |
៣. កម្មវិធីរៀនភាសាជនជាតិភាគតិចត្រូវបានចេញផ្សាយដោយក្រសួងអប់រំ និងបណ្តុះបណ្តាល ហើយសៀវភៅសិក្សាភាសាជនជាតិភាគតិចត្រូវបានអនុម័តដោយក្រសួងអប់រំ និងបណ្តុះបណ្តាល។
៤. គ្រូបង្រៀនភាសាជនជាតិភាគតិច្ចមានលក្ខណៈសម្បត្តិគ្រប់គ្រាន់ ដែលបានបណ្តុះបណ្តាលក្នុងកម្រិតអប់រំដែលស្រដៀងគ្នា។ ក្នុងករណីខ្វះគ្រូបង្រៀនដែលមានលក្ខណៈសម្បត្តិគ្រប់គ្រាន់អាចប្រើប្រាស់មនុស្សដែលមានលក្ខណៈសម្បត្តិគ្រប់គ្រាន់ក្នុងការបង្រៀននៅកម្រិតសិក្សា និងមានវិញ្ញាបនបត្របណ្តុះបណ្តាលគ្រូបង្រៀនភាសាជនជាតិភាគតិច។
៥. សំភារៈបរិក្ខារក្នុងថ្នាក់បង្រៀនភាសាជនជាតិភាគតិចត្រូវបានបំពាក់ដូចថ្នាក់ធម្មតាដទៃទៀតដែរ ដោយឆ្លើយតបនឹងកម្មវិធីអប់រំ។ ឧបករណ៍បង្រៀនភាសាជនជាតិភាគតិចត្រូវបានបំពាក់ដោយយោងតាមបទប្បញ្ញត្តិរបស់ក្រសួងអប់រំ និងបណ្តុះបណ្តាលស្តីពីបញ្ជីឧបករណ៍បង្រៀនអប្បបរមាសម្រាប់កម្មវិធីបង្រៀនភាសាជនជាតិភាគតិចនីមួយៗ។
* មិត្តអ្នកអាន Pham Van Long នៅឃុំ Hoa Dong ស្រុក Tay Hoa ខេត្ត Phu Yen បានសួរថា៖ តើភារកិច្ចនិងសិទ្ធិរបស់សិស្សដែលបានបណ្តុះបណ្តាល និងបំប៉នភាសាជនជាតិភាគតិចត្រូវបានកំណត់យ៉ាងដូចម្ដេច?
ចំលើយ៖ បញ្ហាដែលអ្នកបានសួរមានចែងក្នុងមាត្រាទី១០ ស្ដីពីការបណ្តុះបណ្តាល បំប៉ននិងផ្តល់វិញ្ញាបនបត្រភាសាជនជាតិភាគតិចដែលចេញប្រកាសរួមជាមួយនឹងសារាចរលេខ ០៩/២០២៣/TT-BGDDT របស់រដ្ឋមន្ត្រីក្រសួងអប់រំ និងបណ្តុះបណ្តាលដូចតទៅ៖
១. ភារកិច្ចរបស់សិក្ខាកាម៖ គោរពបទប្បញ្ញត្តិនៃគ្រឹះស្ថានបណ្តុះបណ្តាល បំប៉នភាសាជនជាតិភាគតិចក្នុងដំណើរការសិក្សា និងបំពេញភារកិច្ចសិក្សា។
២. សិទ្ធិរបស់សិក្ខាកាម៖
ក) ជ្រើសរើសទម្រង់នៃការសិក្សា ទីកន្លែងសិក្សានិងពេលវេលាសិក្សាដែលសមស្របនឹងសមត្ថភាពផ្ទាល់ខ្លួន លក្ខខណ្ឌរបស់ខ្លួន និងគ្រឹះស្ថានបណ្ដុះបណ្ដាល និងបំប៉នភាសាជនជាតិភាគតិច ៖
ខ) ត្រូវបានផ្តល់ព័ត៌មានពេញលេញអំពីវគ្គបណ្តុះបណ្តាល និងវគ្គបំប៉ន។
គ) ទទួលបានរបប និងគោលនយោបាយឧបត្ថម្ភអំពីការបណ្ដុះបណ្ដាល និងបំប៉ន (បើមាន) យោងតាមបទប្បញ្ញត្តិបច្ចុប្បន្ន៕
បកប្រែដោយ Pham Diep