បញ្ជាការដ្ឋានទ័ពជើងគោកកម្ពុជាមកសួរសុខទុក និងជូនពរឆ្នាំថ្មីប្រពៃណីនៅបញ្ជាការដ្ឋានកងទ័ពការពារព្រំដែនវៀតណាម
កប.អនឡាញ - នារសៀលថ្ងៃទី២១ ខែមករា នៅទីក្រុងហូជីមិញ គណៈប្រតិភូបញ្ជាការដ្ឋានទ័ពជើងគោក នៃកងយោធពលខេមរភូមិន្ទដឹកនាំដោយលោកឧត្ដមសេនីយ៍ទោ Tien So Phorn Voung មេបញ្ជាការកងទ័ពការពារព្រំដែននៃបញ្ជាការដ្ឋានកងទ័ពជើងគោកបានមកសួរសុខទុកនិងជូនពរបុណ្យចូលឆ្នាំថ្មីប្រពៃណីចំពោះបញ្ជាការដ្ឋានកងទ័ពការពារព្រំដែនវៀតណាមក្នុងឱកាសបុណ្យចូលឆ្នាំថ្មីប្រពៃណី២០១៩។
ក្នុងឱកាសនេះ លោកឧត្ដមសេនីយ៍ទោ Tien So Phorn Voung បានជូនពរបុណ្យចូលឆ្នាំថ្មីចំពោះថ្នាក់ដឹកនាំ កម្មាភិបាល និងនាយទាហាននៃកងទ័ពព្រំដែនវៀតណាម ព្រមទាំងលោកក៏ថ្លែងអំណរគុណចំពោះការជួយឧបត្ថម្ភគាំទ្ររបស់បញ្ជាការដ្ឋានកងទ័ពការពារព្រំដែនវៀតណាមដែលផ្ដល់ដល់បញ្ជាការដ្ឋានទ័ពជើងគោកកម្ពុជានិយាយដោយឡែក និងកម្លាំងការពារព្រំដែនកម្ពុជានិយាយរួមក្នុងរយៈពេលកន្លងមក។
|
|
លោកឧត្ដមសេនីយ៍ទោ Tien So Phorn Voung ជូនអំណោយឲ្យបញ្ជាការដ្ឋានកងទ័ពការពារព្រំដែន (រូបថត៖ bienphong.com.vn) |
ជំនួសមុខថ្នាក់ដឹកនាំកងទ័ពការពារព្រំដែន លោកឧត្តមសេនីយ៍ត្រី Nguyen Hoai Phuong មេបញ្ជាការរងកងទ័ពការពារព្រំដែនវៀតណាមបានថ្លែងអំណរគុណចំពោះការយកចិត្តទុកដាក់ និងមនោសញ្ចេតនាល្អប្រសើរដែលថ្នាក់ដឹកនាំបញ្ជាការដ្ឋានទ័ពជើងគោកកម្ពុជាបានផ្ដល់ដល់កងទ័ពការពារព្រំដែនវៀតណាម។
លោក Nguyen Hoai Phuong រំពឹងថា នាពេលខាងមុខនេះ បញ្ជាការដ្ឋានទ័ពជើងគោកកម្ពុជានឹងបន្តយកចិត្តទុកដាក់ដល់ការសហការជាមួយអង្គភាពនៃកងទ័ពការពារព្រំដែនវៀតណាមក្នុងការបំពេញភារកិច្ចគ្រប់គ្រង ការពារព្រំដែន តាមរយៈនេះជម្រុញថែមទៀតនូវចំណងមិត្តភាព កិច្ចសហប្រតិបត្តិការ និងអភិវឌ្ឍរបស់ប្រទេសទាំងពីរ៕
បកប្រែដោយ Thuy Anh