ក្រុម K៧០ និងក្រុម K៧១ ចេញដំណើរទៅស្វែងរកអដ្ឋិធាតុកងទ័ពស្ម័គ្រចិត្តវៀតណាមដែលពលីជីវិតក្នុងសម័យសង្រ្គាមនៅកម្ពុជា
កប.អនឡាញ - នាថ្ងៃទី ១ ខែមីនា គណៈកម្មការដឹកនាំលេខ ៥១៥ ខេត្ត Tay Ninh វៀតណាម បានប្រារព្ធពិធីចេញដំណើរទៅបំពេញភារកិច្ចស្វែងរក និងប្រមូលអដ្ឋិធាតុកងទ័ពស្ម័គ្រចិត្តវៀតណាមដែលពលីជីវិតក្នុងសម័យសង្គ្រាមនៅកម្ពុជា (រដូវប្រាំង ២០២៣ - ២០២៤) សម្រាប់ក្រុម K៧០ និងក្រុម K៧១។
ក្នុងលើកទី២ ដំណាក់កាលទី២៣ (រដូវប្រាំង ២០២៣ - ២០២៤) ក្រុម K៧០ និងក្រុម K៧១ បន្តបំពេញភារកិច្ចស្វែងរក និងប្រមូលអដ្ឋិធាតុនៃយុទ្ធជនពលីនៅខេត្តចំនួន ៥ នៃប្រទេសកម្ពុជា ចាប់ពីពេលនេះរហូតដល់ថ្ងៃទី ៣០ ខែមិថុនា ឆ្នាំ២០២៤។
|
|
ប្រគល់ថវិកាជំនួយដល់អង្គភាពដែលបំពេញភារកិច្ច |
ថ្លែងមតិក្នុងពិធី លោកវរសេនីយ៍ឯក Do Thanh Viet អនុប្រធាននយោបាយនៃបញ្ជាការដ្ឋានយោធាខេត្ត Tay Ninh អនុប្រធានគណៈកម្មការដឹកនាំលេខ ៥១៥ នៃខេត្តបានលើកសរសើរចំពោះស្មារតី និងការទទួលខុសត្រូវរបស់កម្មាភិបាល និងយុទ្ធជននៃក្រុម K៧០ និងក្រុម K៧១ ក្នុងត្រៀមការរៀបចំ ព្រមទាំងស្នើឲ្យកម្មាភិបាល យុទ្ធជនយល់ដឹងយ៉ាងស៊ីជម្រៅ កំណត់ភារកិច្ចឲ្យបានច្បាស់លាស់ និងបង្ហាញតបស្នងសងគុណចំពោះវីរជនពលី ដែលបានពលីជីវិត ក្នុងបុព្វហេតុនៃការតស៊ូរំដោះជាតិ និងកាតព្វកិច្ចអន្តរជាតិដ៏រុងរឿង។
អង្គភាពត្រូវសហការយ៉ាងជិតស្និទ្ធជាមួយអាជ្ញាធរមូលដ្ឋាន និងកងកម្លាំងការពារកម្ពុជា ផ្សព្វផ្សាយយ៉ាងសកម្ម និងរួមបញ្ចូលគ្នានូវទម្រង់និងវិធានការជាច្រើន ដើម្បីឲ្យអង្គការ និងប្រជាជនកម្ពុជាយកចិត្តទុកដាក់ និងផ្តល់ព័ត៌មានអំពីផ្នូររបស់យុទ្ធជនពលី ហើយធានាសុវត្ថិភាព រក្សាសាមគ្គីភាព គោរពច្បាប់ ទំនៀមទម្លាប់ និងបទបញ្ជារបស់អាជ្ញាធរមូលដ្ឋាន។ សហការអនុវត្តបានល្អនូវការងារចលនាមហាជន ការពិនិត្យ និងព្យាបាលជំងឺ ចែកថ្នាំពេទ្យដល់ប្រជាជនក្នុងមូលដ្ឋាន។ល៕
បកប្រែដោយ Thuy Anh