នៅទីក្រុងហាណូយ ចាប់ពីយប់ថ្ងៃទី២៤ ខែធ្នូ មនុស្សជាច្រើនកុះករសម្រុកមកលេងនៅកណ្ដាលទីក្រុង។ វិថីថ្មើរជើងជុំវិញបឹង Hoan Kiem វិថីថ្មើរជើង Hang Ma ផ្លូវបុរាណ ជាពិសេសវិហារកាតូលិច Nha Tho Lon នៅទីក្រុងហាណូយ (ផ្លូវ Nha Chung ខ័ណ្ឌ Hoan Kiem) ទាក់ទាញប្រជាជនយ៉ាងច្រើនកុះករ។ ដើម្បីអបអរសាទរបុណ្យណូអែល វិហារកាតូលិច Nha Tho Lon នៅទីក្រុងហាណូយត្រូវបានតុបតែងលម្អយ៉ាងស្រស់ស្អាតកាលពីច្រើនថ្ងៃមុន។ នៅថ្ងៃណូអែល ការសម្តែងសិល្បៈជាច្រើនបានប្រព្រឹត្តទៅដើម្បីបង្កើតបរិយាកាសរស់រវើក ហើយទាក់ទាញប្រជាជន និងទស្សនិកជន។

leftcenterrightdel
វិហារកាតូលិច Nha Tho Lon ទាក់ទាញអារម្មណ៍ប្រជាជន និងភ្ញៀវទេសចរ

នៅទីក្រុងហូជីមិញ នៅវិហារកាតូលិច Duc Ba វិថីថ្មើរជើង Nguyen Hue និងផ្សារទំនើបនានាក៏បានទទួលប្រជាជនយ៉ាងច្រើនកុះករក្នុងបរិយាកាសដ៏អ៊ូអរ និងសប្បាយរីករាយនៃបុណ្យណូអែល។ នៅទីក្រុង Da Nang មនុស្សជាច្រើនបាននាំគ្នាទៅវិហារកាតូលិច Con Ga ដើម្បីចូលទៅក្នុងបរិយាកាសនៃបុណ្យណូអែល។ នៅវិហារកាតូលិច ព្រះសហគមន៍កាតូលិក ក៏ដូចជាតាមផ្លូវ និងគោលដៅកម្សាន្តជាច្រើននៃខេត្ត Ninh Binh ប្រជាជន និងភ្ញៀវទេសចរមកទស្សនាយ៉ាងច្រើនកុះករ។ នៅវិហារកាតូលិចថ្ម Phat Diem (ស្រុក Kim Son) បរិយាកាសមានភាពអ៊ូអរជាមួយការចូលរួមរបស់ប្រជាជនរាប់ពាន់នាក់ ហើយផ្លូវត្រូវបានតុបតែងលម្អយ៉ាងស្អាតឆើតឆាយ។ បរិយាកាសបុណ្យណូអែលដ៏អ៊ូអរនៅគ្របដណ្តប់លើទីក្រុង Ha Giang ដែរ។

ក្រៅពីលើព្រះវិហារ និងតំបន់កណ្ដាលទីក្រុង កម្មវិធីបរិច្ចាគឈាម "បុណ្យណូអែលពោរពេញទៅដោយសេចក្តីស្រឡាញ់" ដែលរៀបចំដោយវិទ្យាស្ថានឈាមវិទ្យា-បញ្ចូលឈាមមជ្ឈិមឆ្នាំនេះ បានទទួលជិត ១០០០ ប្លោក។ កម្មវិធីនេះក្លាយទៅជាអំណោយបុណ្យណូអែលដ៏មានតម្លៃសម្រាប់អ្នកជំងឺ៕

បកប្រែដោយ Thuy Anh