ក្រុមប៉ារ៉ាឡាំពិកវៀតណាម ចេញដំណើរទៅចូលរួមក្នុងការប្រកួតកីឡាអាស៊ីអាគ្នេយ៍ប៉ារ៉ាឡាំពិកលើកទី១៣

នៅក្នុងការប្រកួតកីឡានេះ ក្រុមប៉ារ៉ាឡាំពិកវៀតណាមមានសមាជិកចំនួន ១៨៥ នាក់ រួមទាំងកីឡាករចំនួន ១៤១ នាក់ដែលប្រកួតប្រជែងក្នុងវិញ្ញាសាកីឡាចំនួន ១១ ប្រភេទ៖ អត្តពលកម្ម ហែលទឹក លើកទម្ងន់ វាយសី វាយកូនបាល់លើតុ អុក យូដូ ប៊ូស៊ី បាញ់ធ្នូ វាយកូនបាល់។ល។ ក្រុមដាក់ចេញគោលដៅដណ្តើមបានមេដាយមាសចំនួន ៤០ ដល់ ៥០ គ្រឿង។

លោក Mai Van Chinh ឧបនាយករដ្ឋមន្ត្រី មានប្រសាសន៍នៅក្នុងពិធី

នៅក្នុងពិធីចេញដំណើរ លោក Mai Van Chinh ឧបនាយករដ្ឋមន្ត្រីបានសង្កត់ធ្ងន់ថា៖ បក្ស និងរដ្ឋតែងតែយកចិត្តទុកដាក់ចំពោះជនពិការ និងប៉ារ៉ាឡាំពិក តាមរយៈគោលនយោបាយ   និងការណែនាំ ដែលមានគោលបំណងបង្កើតលក្ខខណ្ឌទាំងអស់ ដើម្បីជួយជនពិការទទួលបានសិទ្ធិពលរដ្ឋយ៉ាងពេញលេញ និងស្មើភាពគ្នា អភិវឌ្ឍសក្តានុពលពេញលេញ និងចូលរួមចំណែកដល់ការអភិវឌ្ឍសហគមន៍ និងសង្គម រួមទាំងការអប់រំកាយ និងកីឡាផងដែរ។

លោក Mai Van Chinh ឧបនាយករដ្ឋមន្ត្រី ប្រគល់ទង់ជាតិដល់ក្រុមប៉ារ៉ាឡាំពិកវៀតណាម

លោក Mai Van Chinh ឧបនាយករដ្ឋមន្ត្រី បានជំរុញឱ្យកម្មាភិបាល គ្រូបង្វឹក និងកីឡាករទាំងអស់នៃគណៈប្រតិភូកីឡាជនពិការវៀតណាម ប្រកួតប្រជែងដោយការប្តេជ្ញាចិត្តខ្ពស់បំផុត  ផ្សព្វផ្សាយតម្លៃវប្បធម៌ប្រពៃណីដ៏ស្រស់ស្អាតរបស់ប្រទេសជាតិ លើកកម្ពស់រូបភាពនៃប្រទេសវៀតណាម និងប្រជាជនរួសរាយរាក់ទាក់ ស្មោះត្រង់ ស្រឡាញ់សន្តិភាព និងរួមចំណែកដល់ការពង្រឹងចំណង់មិត្តភាព និងសាមគ្គីភាពនៅក្នុងតំបន់៕

បកប្រែដោយ Thanh Cong