អ្នកជិះកង់វៀតណាមឈ្នះមេដាយមាសក្នុងពានរង្វាន់ជើងឯកជិះកង់ផ្លូវវែងអាស៊ី ២០២៥

នេះជាលើកទីមួយហើយដែលអ្នកប្រណាំងកង់ Hoang Hai Nam តំណាងឱ្យកីឡាប្រណាំងកង់ស្ម័គ្រចិត្តវៀតណាមចូលរួមក្នុងសង្វៀនអាស៊ី។ នេះក៏ជាមេដាយមាសដំបូងគេរបស់វៀតណាមក្នុងការប្រកួតនេះ។

អ្នកជិះកង់ Hoang Hai Nam (ទីពីរពីឆ្វេង) បានឈ្នះមេដាយមាសក្នុងក្រុមអាយុ ៦០+ ក្នុងពានរង្វាន់ជើងឯកជិះកង់ផ្លូវវែងអាស៊ីឆ្នាំ ២០២៥ (រូបថត៖ FBNV)

ជ័យជំនះរបស់កីឡាករប្រណាំងកង់ Hoang Hai Nam មិនត្រឹមតែនាំមកនូវសិរីរុងរឿងដល់គាត់ផ្ទាល់ប៉ុណ្ណោះទេ ថែមទាំងជាកម្លាំងចលករដ៏ធំធេងសម្រាប់ចលនាជិះកង់កីឡាវៀតណាមផងដែរ។

គួររំលឹកថា អ្នកជិះកង់ម្នាក់នេះ ត្រូវប្រើកង់ខ្ចីពីម្ចាស់ផ្ទះថៃ បន្ទាប់ពីកង់ត្រូវភ្លើងឆាបឆេះក្នុងឡានដឹកទំនិញរបស់គណៈកម្មាធិការរៀបចំ (ថ្ងៃទី៥ ខែកុម្ភៈ)។ ទោះបីជាប្រឈមមុខនឹងការលំបាករាប់មិនអស់ ប៉ុន្តែ Hoang Hai Nam នៅតែសម្រេចបានលទ្ធផលល្អបំផុត និងទទួលបានមេដាយមាសដ៏មានតម្លៃ។

ព្រឹត្តិការណ៍ប្រណាំងកង់ជើងឯកអាស៊ីឆ្នាំ ២០២៥ ប្រព្រឹត្តទៅចាប់ពីថ្ងៃទី ៧ ដល់ថ្ងៃទី ១៦ ខែកុម្ភៈនៅប្រទេសថៃ ដោយមានការចូលរួមពីអ្នកជិះកង់ប្រចាំទ្វីបចំនួនជិត ៥០០ នាក់។ នេះជាការប្រកួតរបស់សហភាពជិះកង់អន្តរជាតិ (UCI)៕

តាម vovworld.vn