វៀតណាមជាប់ចំណាត់ថ្នាក់លេខ១ ក្នុងការប្រណាំងទូក Rowing អាស៊ីអាគ្នេយ៍ឆ្នាំ២០២៤
ការប្រណាំងទូក Rowing U១៩, U២៣ និងជើងឯកអាស៊ីអាគ្នេយ៍ ឆ្នាំ២០២៤ បានបញ្ចប់នៅថ្ងៃទី៣០ ខែមិថុនា ដោយចំណាត់ថ្នាក់លេខ១ បានទៅក្រុមម្ចាស់ផ្ទះវៀតណាម។
ប្រព្រឹត្តទៅរយៈពេលជាង ៥ ថ្ងៃនៅទីក្រុង Hai Phong ការប្រកួតនេះបានប្រមូលផ្តុំអត្តពលិករាប់រយនាក់មកពីបណ្តាប្រទេសអាស៊ីអាគ្នេយ៍ចំនួន ៧ រួមមាន៖ កម្ពុជា ឥណ្ឌូនេស៊ី ម៉ាឡេស៊ី ហ្វីលីពីន សិង្ហបុរី ថៃ និងវៀតណាម។
|
|
គណៈកម្មាធិការរៀបចំផ្តល់មេដាយដល់ក្រុមដែលចូលរួមក្នុងការប្រណាំងទូក U19 U23 និងជើងឯកអាស៊ីអាគ្នេយ៍ឆ្នាំ២០២៤ (រូបភាព៖ VNA) |
ជាលទ្ធផល ក្រុមកីឡាវៀតណាមបាននាំមុខវិញ្ញាសាចំនួន ៤៣ គ្រប់វ័យ ដោយទទួលបានមេដាយមាសសរុបចំនួន ៣៤ គ្រឿង មេដាយប្រាក់ ២៣ គ្រឿង និងមេដាយសំរឹទ្ធ ១៣ គ្រឿង។ ចំណាត់ថ្នាក់លេខ ២ គឺក្រុមឥណ្ឌូណេស៊ីដែលទទួលបានមេដាយមាសចំនួន ៥ គ្រឿង។ ចំណែកក្រុមថៃឈរនៅលេខរៀងទី៣ ឈ្នះមេដាយមាស ២ គ្រឿង។
នេះគឺជាការប្រកួតក្នុងគោលបំណងវាយតម្លៃសមត្ថភាពរបស់អត្តពលិកដើម្បីត្រៀមស៊ីហ្គេមលើកទី៣៣ ឆ្នាំ២០២៥។ ប្រធានសហព័ន្ធកីឡា Rowing អាស៊ីអាគ្នេយ៍ លោក Rangsan Wongsan បានវាយតម្លៃខ្ពស់ចំពោះដំណើរការរៀបចំប្រកបដោយល្អិតល្អនរបស់ទីក្រុង Hai Phong និងសហព័ន្ធកីឡាទូកក្តោងវៀតណាម៕
តាម vovworld.vn