ក្រុមបាល់ទាត់ជម្រើសជាតិវៀតណាមនឹងប្រកួតមិត្តភាពជាមួយហ្ស៊កដានី
កប.អនឡាញ - ដើម្បីត្រៀមសម្រាប់ជុំទី ២ នៃព្រឹត្តិការណ៍ World Cup ឆ្នាំ២០២២ តំបន់អាស៊ី នៅអេមីរ៉ាតអារ៉ាប់រួម (UAE) ក្រុមបាល់ទាត់ជម្រើសជាតិវៀតណាម នឹងមានការប្រកួតមិត្តភាពជាមួយហ្ស៊កដានីនៅថ្ងៃទី ៣១ ខែឧសភា។
តាមគម្រោង ក្រុមបាល់ទាត់ជម្រើសជាតិវៀតណាមនឹងចេញដំណើរទៅ UAE នៅល្ងាចថ្ងៃទី ២៦ ខែឧសភា ហើយសមាជិកទាំងឡាយនឹងត្រូវធ្វើតេស្តរកជំងឺ Covid-19 នៅថ្ងៃទី ២៤ ខែឧសភា។ មុនពេលចេញដំណើរទៅ UAE គ្រូបង្វឹក Park Hang-seo និងកីឡាករទាំងឡាយនឹងទៅហ្វឹកហាត់នៅទីក្រុង Quy Nhon (ខេត្ត Binh Dinh ភាគកណ្តាលវៀតណាម)។ ទីលានបាល់ទាត់ Quy Nhon ទើបតែបានកែលម្អហើយ ដូច្នេះវាមានផ្ទៃស្មៅមានគុណភាពល្អ ទន្ទឹមនឹងនេះអាកាសធាតុនៅខេត្ត Binh Dinh ក្នុងខែឧសភាក៏ក្តៅដែរ ដែលមានភាពស្រដៀងគ្នាជាមួយ UAE។ នៅខេត្ត Binh Dinh ក្រុមបាល់ទាត់ជម្រើសជាតិវៀតណាមនឹងប្រកួតមិត្តភាពជាមួយក្លឹប Topenland Binh Dinh៕
បកប្រែដោយ Duy Hoan