កីឡាករកីឡាការិនីគ្រប់រូបគួរតែកាន់ទង់ជាតិនៅក្នុងក្រអៅបេះដូង

១៩ កក្កដា ២០២១ (21:06)

កប.អនឡាញ - នាល្ងាចថ្ងៃទី ១៨ ខែកក្កដា ក្នុងឱកាសគណៈប្រតិភូកីឡាវៀតណាមចេញដំណើរទៅប្រទេសជប៉ុន ដើម្បីចូលរួមព្រឹត្តិការណ៍អូឡាំពិកតូក្យូ ២០២០ លោក Nguyen Van Hung រដ្ឋមន្រ្តីក្រសួងវប្បធម៌ កីឡា និងទេសចរណ៍ និងជាប្រធានគណៈកម្មាធិការអូឡាំពិកវៀតណាម បានមានក្តីសង្ឃឹមថា កីឡាករកីឡាការិនីគ្រប់រូបគួរតែកាន់ទង់ជាតិនៅក្នុងក្រអៅបេះដូង។

លោករដ្ឋមន្រ្តី Nguyen Van Hung លើកទឹកចិត្តគណៈប្រតិភូកីឡាវៀតណាម ដែលចេញដំណើរទៅចូលរួមព្រឹត្តិការណ៍អូឡាំពិកតូក្យូ ២០២០

លោករដ្ឋមន្រ្តី Nguyen Van Hung បានស្នើឱ្យសមាជិកនៃគណៈប្រតិភូកីឡាវៀតណាមទាំង ៤៣ នាក់ ថែរក្សាសុខភាពល្អ និងគោរពតាមបទបញ្ញត្តិស្តីពីការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 នៃគណៈកម្មការរៀបចំអូឡាំពិកតូក្យូ ២០២០ ក៏ដូចជាបទបញ្ញត្តិស្តីពីច្បាប់ ទំនៀមទម្លាប់ និងប្រពៃណីនៃប្រទេសម្ចាស់ផ្ទះ។ លោករដ្ឋមន្រ្តីក៏បានស្នើឱ្យសមាជិកនៃគណៈប្រតិភូម្នាក់ៗ ណែនាំដល់មិត្តភក្តិអន្តរជាតិ អំពីទឹកដីវៀតណាមដ៏ស្រស់ស្អាតដែលមានប្រពៃណីវប្បធម៌យូរអង្វែង រួសរាយរាក់ទាក់ និងជាទិសដៅសុវត្ថិភាព៕