យុវជនអណិកជនវៀតណាមធ្វើធម្មយាត្រាទៅកាន់ទឹកដីដូនតា

យុវជនជាអាណិកជនវៀតណាមជាច្រើននាក់មិនអាចលាក់បាំងបាននូវអារម្មណ៍របស់ខ្លួនបានឡើយ នៅពេលមកកាន់ទឹកដីពិសិដ្ឋនេះ។ ប្អូន Tran Yen Vy អាយុ ១៦ ឆ្នាំ មកពីប្រទេសរ៉ូម៉ានី បានចែករំលែកថា៖ “នាងខ្ញុំមិនដែលបានទៅទស្សនាវិហារស្តេច Hung ទេ។ មកកាន់ទីនេះ ខ្ញុំមានអារម្មណ៍ថា ខ្លួនមានសំណាងខ្លាំងណាស់ដែលអាចគយគន់សម្រស់ស្អាតនៃស្រុកកំណើត។ ធ្វើដំណើរជាមួយអ្នករាល់គ្នាគឺសប្បាយចិត្តណាស់ ជាមួយនឹងបទពិសោធគួរឱ្យចាប់អារម្មណ៍ជាច្រើន”។

យុវជននិងនិស្សិតជាអាណិកជនវៀតណាមថតរូបទុកជាអនុស្សាវរីយ៍ (រូបថត៖ vnanet.vn)

ក្នុងដំណើរលើកនេះ យុវជនមានឱកាសស្វែងយល់អំពីប្រវត្តិសាស្ត្រ និងស្ថាបត្យកម្មដ៏វិសេសវិសាលនៃវិហារស្តេច Hung។ យុវជនជាច្រើនបានចាប់យកពេលវេលាដ៏មានអត្ថន័យនេះ តាមរយៈរូបថតនិងវីដេអូរ ដើម្បីចែករំលែកជាមួយក្រុមគ្រួសារ និងមិត្តភក្តិនៅឯប្រទេសបន្ទាប់ពីការធ្វើដំណើរ។

ដំណើរទៅទស្សនាវិហារសក្ការៈបូជាបិតាជាតិ Lac Long Quan និងវិហារស្តេច Hung គឺជាសកម្មភាពបើកឆាកដ៏មានអត្ថន័យនៃជំរុំរដូវក្តៅវៀតណាមឆ្នាំ ២០២៤។ តាមនោះ គណៈកម្មការរៀបចំសង្ឃឹមថានឹងជួយយុវជនវៀតណាមនៅឯបរទេសយល់កាន់តែស៊ីជម្រៅអំពីឫសគល់របស់ប្រជាជាតិ ពង្រឹងសេចក្តីស្រឡាញ់ចំពោះមាតុភូមិ និងប្រទេសជាតិ រួមចំណែកអភិវឌ្ឍសហគមន៍ជនវៀតណាមនៅក្រៅប្រទេសក៏ដូចជាមាតុប្រទេស។

ជំរុំរដូវក្តៅវៀតណាមឆ្នាំ ២០២៤ នឹងបន្តជាមួយនឹងសកម្មភាពដ៏គួរឱ្យរំភើបជាច្រើនផ្សេងទៀត ដោយសន្យាថានឹងនាំយកយុវជនវៀតណាមនៅឯបរទេសនូវបទពិសោធន៍ដែលមិនអាចបំភ្លេចបានអំពីទឹកដី និងមនុស្សវៀតណាម៕

បកប្រែដោយ Huyen Trang