ម្ហូបអាហារវៀតណាមទទួលបានការចាប់អារម្មណ៍យ៉ាងខ្លាំងនៅប្រទេសស្វីស
កប.អនឡាញ - នាពេលថ្មីៗនេះ នៅសង្កាត់ Grand Saconnex ទីក្រុងហ្សឺណែវ ប្រទេសស្វីស ស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិផ្សេងទៀតបានចូលរួមក្នុងពិធីបុណ្យម្ហូបអាហារអន្តរជាតិ។
ព្រឹត្តិការណ៍ប្រចាំឆ្នាំរបស់ Grand Saconnex នេះក្នុងបំណងបង្ហាញដល់អ្នកនៅមូលដ្ឋានស្គាល់នូវមុខម្ហូបប្រពៃណីនៃប្រទេសជុំវិញពិភពលោក ទាក់ទាញការចាប់អារម្មណ៍ពីអ្នកមូលដ្ឋាន និងភ្ញៀវទេសចរអន្តរជាតិ។
    |
 |
|
ការតាំងពិព័រណ៍រូបភាពអំពីទឹកដីនិងមនុស្សវៀតណាម (រូបថត៖ vnanet.vn) |
ថ្លែងមតិនៅព្រឹត្តិការណ៍នេះ លោក Mai Phan Dung ឯកអគ្គរដ្ឋទូត បានបញ្ជាក់ពីគោលបំណងរបស់ស្ថានបេសកកម្មក្នុងការរួមចំណែកយ៉ាងសកម្មដល់ការអភិវឌ្ឍរបស់ខ័ណ្ឌ Grand Saconnex។ យោងតាមលោកឯកអគ្គរដ្ឋទូត ព្រឹត្តិការណ៍នេះគឺជាឱកាសល្អសម្រាប់ស្ថានបេសកកម្មវៀតណាមផ្សព្វផ្សាយពីរូបភាពនៃទឹកដី មនុស្ស និងវប្បធម៌វៀតណាមដល់អ្នកទីក្រុងហ្សឺណែវ។
នៅក្នុងព្រឹត្តិការណ៍នេះដែរ ស្ថានបេសកកម្មវៀតណាមបានតាំងពិព័រណ៍រូបភាពអំពីសកម្មភាពវប្បធម៌របស់ជនជាតិជាច្រើននៅវៀតណាម៕
បកប្រែដោយ Thuy Anh