កីឡាករជាង ៣០០ នាក់ចូលរួមការប្រណាំងទូក ង នៅខេត្ត Bac Lieu ឆ្នាំ២០២៤
កប.អនឡាញ - នាថ្ងៃទី ១៣ ខែមេសា នៅវត្តសុរិយារាម (វត្តកណ្តាល) ស្រុក Vinh Loi មន្ទីរវប្បធម៌ កីឡា និងទេសចរណ៍ខេត្ត Bac Lieu បានប្រារព្ធពិធីបើកការប្រណាំងទូក ង ខ្នាតតូចខេត្ត Bac Lieu ឆ្នាំ ២០២៤។
ការប្រណាំងបានប្រព្រឹត្តទៅនាថ្ងៃទី១៣ និងថ្ងៃទី១៤ ខែមេសា ដោយមានការចូលរួមពីក្រុមទូកចំនួន ២៩ មកពីស្រុក Hong Dan ស្រុក Phuoc Long ស្រុក Hoa Binh ស្រុក Vinh Loi និងទីក្រុង Bac Lieu។ ក្រុមទាំងនោះត្រូវបានបែងចែកចេញជា ៨ ពូល ហើយក្រុមចំនួន ៤ ត្រូវបានជ្រើសរើសដើម្បីចូលទៅជុំផ្ដាច់ព្រ័ត្រ។
|
|
ការប្រកួតប្រព្រឹត្តទៅនៅថ្ងៃទី ១៣ និងថ្ងៃទី ១៤ ខែមេសា ដោយមានការចូលរួមពីក្រុមទូកចំនួន ២៩ |
ការប្រណាំងទូក ង ខ្នាតតូចថ្នាក់ខេត្តលើកទី១ ដែលបានប្រារព្ធឡើងក្នុងឱកាសពិធីបុណ្យចូលឆ្នាំថ្មី២០២៤ ជាសកម្មភាពអបអរសាទរខួបលើកទី៤៩ នៃការរំដោះភាគខាងត្បូងវៀតណាម និងការបង្រួបបង្រួមជាតិ (ថ្ងៃទី៣០ មីនា ឆ្នាំ១៩៧៥ / ថ្ងៃទី៣០ ខែមេសា ឆ្នាំ២០២៤) ជ្រោមជ្រែងនឹងការអនុវត្តចលនា “ប្រជាជនទាំងមូលហាត់ប្រាណតាមគំរូលោកអ៊ំ ហូ”។
នេះក៏ជាឱកាសសម្រាប់កីឡាករជួបជុំ ផ្លាស់ប្តូរ និងសិក្សាបទពិសោធន៍ក្នុងការប្រកួតកីឡា និងជាឱកាសសម្រាប់បងប្អូនជនរួមជាតិខ្មែរចូលរួមក្នុងសកម្មភាពសមូហភាពដ៏មានន័យ សាមគ្គី និងសប្បាយរីករាយ ដើម្បីអបអរសាទរពិធីបុណ្យចូលឆ្នាំថ្មីប្រពៃណី៕
បកប្រែដោយ Thuy Anh