សំលៀកបំពាក់ពិសេសអស្ចារ្យរបស់ជនជាតិ Dao Tien
កប.អនឡាញ- សំលៀកបំពាក់ប្រពៃណីរបស់ជនជាតិនីមួយៗមិនត្រឹមតែជារូបភាពសម្រាប់សម្គាល់ជនជាតិប៉ុណ្ណោះទេ ថែមទាំងរួមចំណែកក្នុងការបង្ហាញ និងថែរក្សាអត្ដសញ្ញាណវប្បធម៌ពិសេសរបស់ជនជាតិនោះទៀតផង។ ហើយសំលៀកបំពាក់ប្រពៃណីរបស់ជនជាតិ Dao Tien ក៏អញ្ចឹងដែរ។
បើមានឱកាសមកកាន់ភូមិ Ta Loong ទីប្រជុំជន Nong Truong Moc Chau (ស្រុក Moc Chau ខេត្ត Son La) ភ្ញៀវទេសចរនឹងជួបប្រទះរូបភាពស្ត្រីជនជាតិ Dao Tien ប៉ាក់សំលៀកបំពាក់ប្រពៃណីឡើយ។
|
|
សម្លៀកបំពាក់ប្រពៃណីរបស់ស្ដ្រីជនជាតិ Dao Tien |
អ្នកស្រី Ly Thi Son នៅភូមិ Ta Loong បានឲ្យដឹងថា៖ “ក្មេងស្រីជនជាតិ Dao Tien ពីអាយុ ៨ ដល់ ១០ឆ្នាំ ត្រូវបានលោកយាយនិងអ្នកម្តាយបង្រៀនពីរបៀបប៉ាក់សំលៀកបំពាក់ជនជាតិរបស់ខ្លួនហើយ ចាប់ផ្ដើមរៀនប៉ាក់លើដៃអាវ មួក និងកន្សែង។ នៅពេលដែលស្ទាត់ជំនាញក៏ជាពេលដែលក្មេងស្រីនោះចាប់ផ្តើមប៉ាក់សំលៀកបំពាក់ផ្ទាល់ខ្លួន។ សម្រាប់ស្ត្រី ជនជាតិ Dao Tien បើនរណាមានសម្លៀកបំពាក់ ឬ អាវស្អាតនោះ ពួកគេចាត់ទុកវាជាវត្ថុមានតម្លៃក្នុងគ្រួសារ។
តាមរយៈរឿងរាវអំពីស្ដ្រីជនជាតិ Dao Tien យើងខ្ញុំបានដឹងថា ដើម្បីមានសម្លៀកបំពាក់ដែលពេញចិត្តនោះ គឺត្រូវឆ្លងដំណាក់កាលជាច្រើនដូចជា ការត្បាញ ការកាត់ និងដេរ និងការប៉ាក់ ... សំលៀកបំពាក់ប្រពៃណីរបស់ជនជាតិ Dao Tien ចែកជា ៣ ប្រភេទគឺសំលៀកបំពាក់បុរស សំលៀកបំពាក់ស្ដ្រី និងសំលៀកបំពាក់ក្នុងពិធីបុណ្យទាន រួមមានកន្សែងរុំក្បាល ខ្សែក្រវ៉ាត់ អាវ និងសំពត់។
សំលៀកបំពាក់បុរសបុរាណគឺសាមញ្ញណាស់។ កន្សែងរុំក្បាលរបស់បុរសជាក្រណាត់ពណ៌ខ្មៅ ប្រវែងប្រហែល ៦០ សង់ទីម៉ែត្រ។ អាវបុរសមិនសូវលេចធ្លោដូចអាវនារីទេ បុរសជនជាតិ Dao Tien ស្លៀកតែសំពត់ ឬ ខោក្នុងពិធីបុណ្យដួងព្រលឹង។
នៅខេត្ត Son La ជនជាតិ Dao Tien ភាគច្រើនរស់នៅក្នុងស្រុក Van Ho ស្រុក Moc Chau និងស្រុក Phu Yen។ បច្ចុប្បន្ននេះ តាមការរីកចម្រើននៃសង្គម ជនជាតិ Dao Tien មានតែសំលៀកបំពាក់ប្រពៃណីក្នុងថ្ងៃបុណ្យ ឬថ្ងៃមានព្រឹត្ដិការណ៍សំខាន់ៗក្នុងគ្រួសារ ដូច្នេះការអភិរក្ស ថែរក្សាអត្តសញ្ញាណវប្បធម៌តាមរយៈសំលៀកបំពាក់របស់ជនជាតិ Dao Tien គឺជាការងារចាំបាច់បំផុតដើម្បីលើកកម្ពស់ការយល់ដឹងអំពីវប្បធម៌ជាតិឲ្យយុវជនជំនាន់ក្រោយ៕
បកប្រែដោយ Pham Diep