រៀបចំឯកសារដាក់ជូនអង្គការយូណេស្កូ ដើម្បីទទួលស្គាល់សិល្បៈ Cheo ជាបេតិកភណ្ឌវប្បធម៌ពិភពលោក
កប.អនឡាញ - សិល្បៈ Cheo ប្រពៃណី មានដំណើរការអភិវឌ្ឍយ៉ាងយូរលង់មកពីសតវត្សទី ១០ រហូតដល់បច្ចុប្បន្ន
ក្រសួងវប្បធម៌ កីឡា និងទេសចរណ៍ នឹងទទួលបន្ទុក ហើយនិងសម្របសម្រួលជាមួយក្រសួង ស្ថាប័ន និងមូលដ្ឋានពាក់ព័ន្ធ រៀបចំឯកសារបេតិកភណ្ឌវប្បធម៌អរូបីចំនួនពីររបស់វៀតណាមគឺ៖ សិល្បៈ Cheo នៅតំបន់ដីសណ្ដទន្លេ Hong និងក្បាច់គុនបុរាណខេត្ត Binh Dinh ដាក់ជូននាយករដ្ឋមន្ត្រី ដើម្បីសុំការអនុញ្ញាតឲ្យដាក់ជូនអង្គការ UNESCO ស្នើសុំទទួលស្គាល់ជាបេតិកភណ្ឌវប្បធម៌ពិភពលោក។
|
|
សិល្បៈ Cheo ប្រពៃណី មានដំណើរការអភិវឌ្ឍយ៉ាងយូរលង់មកពីសតវត្សទី ១០ រហូតដល់បច្ចុប្បន្ន។ រូបថត៖ aninhthudo.vn |
Cheo គឺជាទម្រង់សិល្បៈល្ខោនប្រពៃណីរបស់វៀតណាម ដែលរីកចម្រើនយ៉ាងខ្លាំងនៅភាគខាងជើងនៃប្រទេសវៀតណាម។ ល្ខោនប្រភេទនេះមានការអភិវឌ្ឍខ្លាំង និងសម្បូរទៅដោយលក្ខណៈជាតិ។ សិល្បៈល្ខោន Cheo បានឆ្លងកាត់ប្រវត្តិសាស្រ្តដ៏យូរលង់មក តាំងពីសតវត្សទី ១០ ដល់បច្ចុប្បន្ន ។ សិល្បៈ Cheo ឆ្លុះបញ្ចាំងយ៉ាងពេញលេញនូវគ្រប់ទិដ្ឋភាពនៃប្រជាជនវៀតណាម៖ សុទិដ្ឋិនិយម សេចក្តីមេត្តាធម៌ សេចក្តីស្រឡាញ់ជីវិត និងមោទនភាពជាតិ ...
ខេត្ត Binh Dinh គឺជាប្រភពមួយនៃក្បាច់គុនបុរាណរបស់វៀតណាម។ កាលពីឆ្នាំ ២០១៤ ក្បាច់គុន Binh Dinh ត្រូវបានទទួលស្គាល់ជាបេតិកភណ្ឌវប្បធម៌អរូបីរបស់ជាតិ។ តាមរយៈការជ្រើសរើស ការបន្តស្នង និងអភិវឌ្ឍន៍រាប់រយឆ្នាំមក ដែលត្រូវបានបន្តពីជំនាន់មួយទៅជំនាន់មួយទៀត ក្បាច់គុន Binh Dinh បានក្លាយទៅជាបេតិកភណ្ឌវប្បធម៌អរូបីដ៏វិសេសវិសាលមួយ ដែលផ្សារភ្ជាប់ជាមួយនឹងប្រវត្តិនៃការកសាង និងការពារប្រទេសរបស់ជនជាតិវៀតណាម៕
បកប្រែដោយ Thanh Cong