វៀតណាមចូលរួមក្នុងពិព័រណ៍សប្បុរសធម៌អន្តរជាតិឆ្នាំ២០២៥ នៅសាធារណរដ្ឋឆែក

ពិព័រណ៍សប្បុរសធម៌អន្តរជាតិគឺជាសកម្មភាពប្រចាំឆ្នាំដែលត្រូវបានរៀបចំឡើងក្រោមការឧបត្ថម្ភរបស់សមាគមភរិយា និងស្វាមីការទូតនៃប្រទេសនានានៅសាធារណរដ្ឋឆែក។ នេះគឺជាឱកាសមួយសម្រាប់អ្នកទស្សនាចូលរួមគាំទ្រអង្គការសប្បុរសធម៌នៅសាធារណរដ្ឋឆែកដោយទិញម្ហូប និងផលិតផលពីស្តង់របស់ភ្នាក់ងារការទូត។ ក្រៅពីការណែនាំផលិតផលជាប្រចាំរបស់ប្រទេសនីមួយៗ អ្នកទស្សនាក៏អាចរីករាយជាមួយកម្មវិធីសិល្បៈ និងតន្ត្រីប្រពៃណីដ៏វិសេសវិសាលពីប្រទេសនានានៅលើពិភពលោក។

លោកស្រី Eva Pavlová លោកជំទាវរបស់ប្រធានាធិបតីឆែក ទស្សនាស្តង់របស់វៀតណាម (រូបថត៖ vov.vn)

នៅស្តង់របស់វៀតណាម មិត្តភក្តិអន្តរជាតិ និងភ្ញៀវទេសចរសម្តែងនូវចំណាប់អារម្មណ៍យ៉ាងខ្លាំង នៅពេលដែលភរិយារបស់ស្ថានទូតវៀតណាមណែនាំផលិតផលសិប្បកម្ម និងម្ហូបប្រពៃណីជាច្រើនដោយរីករាយ។ល។ ក្រៅពីការផ្សព្វផ្សាយផលិតផល វៀតណាមចង់ផ្ញើសារនៃសាមគ្គីភាព ការចែករំលែក និងសេចក្តីស្រឡាញ់ទៅវិញទៅមកដល់អ្នកដែលស្ថិតក្នុងស្ថានភាពមិនល្អមិនត្រឹមតែនៅសាធារណរដ្ឋឆែកប៉ុណ្ណោះទេ ថែមទាំងនៅគ្រប់ទីកន្លែងនៅលើពិភពលោកទៀតផង៕

បកប្រែដោយ Huyen Trang