ពិធីបុណ្យអកអំបុក - ការប្រណាំងទូក ង នៅទីក្រុង Can Tho ឆ្នាំ២០២៥

មានប្រសាសន៍នៅក្នុងពិធីបើក លោក Truong Canh Tuyen អនុលេខាគណៈកម្មាធិការបក្សទីក្រុង និងជាប្រធានគណៈកម្មាធិការប្រជាជនទីក្រុង Can Tho បានសង្កត់ធ្ងន់ថា៖ ពិធីបុណ្យអកអំបុក គឺជាបេតិកភណ្ឌវប្បធម៌អរូបីជាតិ ដែលពោរពេញទៅដោយអត្តសញ្ញាណរបស់ជនរួមជាតិខ្មែរនៅភាគខាងត្បូង ដែលប្រារព្ធឡើងជារៀងរាល់ឆ្នាំនៅថ្ងៃពេញបូណ៌មីនៃខែទី១០ តាមច័ន្ទគតិ។

លោក Truong Canh Tuyen អនុលេខាគណៈកម្មាធិការបក្សទីក្រុង និងជាប្រធានគណៈកម្មាធិការប្រជាជនទីក្រុង Can Tho មានប្រសាសន៍នៅក្នុងពិធីបើកពិធីបុណ្យអកអំបុកចម្រុះពណ៌ - ការប្រណាំងទូក ង នៅទីក្រុង Can Tho ឆ្នាំ២០២៥

ពិធីបុណ្យនេះមិនត្រឹមតែបង្ហាញពីជំនឿ អគុណមេឃដី បួងសួងសុំឲ្យរដូវកាលអំណោយផលប៉ុណ្ណោះទេ ថែមទាំងជាឱកាសមួយដើម្បីលើកតម្កើង ថែរក្សា និងលើកកម្ពស់តម្លៃវប្បធម៌ប្រពៃណីរបស់ជនជាតិខ្មែរ ដែលរួមចំណែកដល់ការពង្រឹងមហាសាមគ្គីភាពរបស់បណ្តាជនជាតិ ធ្វើឲ្យជីវភាពខាងស្មារតីរបស់ប្រជាជននៅទីក្រុងមានសម្បូរបែបទៀតផង។

ការសម្តែងសិល្បៈនៅក្នុងពិធី

ពិធីបុណ្យឆ្នាំនេះប្រព្រឹត្តទៅចាប់ពីថ្ងៃទី ៣ ដល់ថ្ងៃទី ៥ ខែវិច្ឆិកា នៅសង្កាត់ Phu Loi និងសង្កាត់ Soc Trang រួមមានសកម្មភាពជាច្រើនដូចជា៖ ការប្រណាំងទូក ង សំពះព្រះខែ ការបណ្តែតប្រទីប ការសម្តែងទូក Ca Hau ពិព័រណ៍ជំរុញពាណិជ្ជកម្មផលិតផល OCOP និងមុខម្ហូបប្រចាំតំបន់ឆ្នាំ ២០២៥។

ពិធីបុណ្យអកអំបុក - ការប្រណាំងទូក ង នៅទីក្រុង Can Tho ឆ្នាំ ២០២៥ មិនត្រឹមតែជាពិធីបុណ្យវប្បធម៌ និងជំនឿសាសនារបស់ជនរួមជាតិខ្មែរប៉ុណ្ណោះទេ ថែមទាំងជាចំណុចលេចធ្លោក្នុងវិស័យទេសចរណ៍វប្បធម៌ទៀតផង រួមចំណែកដល់ការផ្សព្វផ្សាយរូបភាពនៃ Can Tho - ទីក្រុងកណ្តាលនៃតំបន់ដីសណ្តទន្លេ Cuu Long ដែលជាគោលដៅសុវត្ថិភាព រួសរាយរាក់ទាក់ និងគួរឲ្យទាក់ទាញ៕

បកប្រែដោយ Huyen Trang