ប៉ម Than Nong នៅខេត្ដ Bac Ninh ត្រូវបានទទួលស្គាល់ជាកំណត់ត្រាពិភពលោក

ប៉ម Than Nong នៅខេត្ដ Bac Ninh ត្រូវបានទទួលស្គាល់ជាកំណត់ត្រាពិភពលោក (រូបថត៖ vnanet.vn)

ប៉ម Than Nong មានទីតាំងស្ថិតនៅមជ្ឈមណ្ឌលបណ្តុះបណ្តាលវិជ្ជាជីវៈ Dong Do ឃុំ Lam Thao ស្រុក Luong Tai ខេត្ត Bac Ninh។ ប៉មជានិមិត្តរូបសម្រាប់អាទិទេពនៃអរិយធម៌ស្រូវសើមដែលរៀបត្បាល់ថ្មចំនួន ១.០១២ ត្បាល់។ ប៉មនេះត្រូវបានរចនាឡើងជារូបគ្រាប់ស្រូវ។

ប៉ម Than Nong មានកម្ពស់ ១៥ ម៉ែត្រ បែងចែកជា ៥ ជាន់។ នេះជាគោលដៅទេសចរណ៍ដែលទាក់ទាញភ្ញៀវទេសចរមកខេត្ត Bac Ninh បង្កើតទេសភាពផង និងបម្រើការអប់រំវប្បធម៌ផង។ នេះជាកន្លែងតាំងបង្ហាញត្បាល់ថ្ម និងវប្បធម៌ស្រូវសើមដំបូងនៅខេត្ត Bac Ninh ឆ្ពោះទៅការអភិវឌ្ឍសេវាទេសចរណ៍ស្វែងយល់ សេវាកម្ម និងទេសចរណ៍ប្រកបដោយនិរន្តរភាព រួមចំណែកលើកស្ទួយសេដ្ឋកិច្ច និងសង្គមនៅមូលដ្ឋាន ទន្ទឹមនឹងនោះ ថែរក្សា អភិរក្ស និងលើកកម្ពស់អត្ដសញ្ញាណវប្បធម៌ Kinh Bac និងវប្បធម៌ស្រូវសើម៕

បកប្រែដោយ Pham Diep