ទាញយកសក្តានុពលនៅវាលផ្កាបាក់វីត (Buckwheat) ក្នុងភូមិ Dong Luong
កប.អនឡាញ- ស្ថិតនៅតាមដងផ្លូវពីខេត្ដ Thai Nguyen ទៅកាន់ស្រុក Cho Moi (ខេត្ដ Bac Kan) ជ្រលងផ្កាបាក់វីត (Buckwheat) នៅភូមិ Dong Luong ឃុំ Quang Chu ស្រុក Cho Moi រីកស្គុសស្គាយយ៉ាងស្រស់ស្អាតនៅពេលចុងឆ្នាំ។
បញ្ឈប់ឡាននៅមុខតូបមួយតាមដងផ្លូវ ភ្ញៀវទេសចរមួយក្រុមមកពីទីក្រុងហាណូយមានក្ដីរំភើបរីករាយដោយមានឱកាសទស្សនានិងថតរូបអនុស្សាវរីយ៍នៅវាលផ្កាបាក់វីត។ កញ្ញា Nguyen Thuy Diem (នៅស្រុក Dong Anh ទីក្រុងហាណូយ) បានឲ្យដឹងថា “យើងខ្ញុំទៅទស្សនាបឹង Ba Be ប៉ុន្ដែនៅពេលធ្វើដំណើរឆ្លងកាត់ទីនេះ យើងបានឃើញវាលផ្កាបាក់វីតយ៉ាងស្អស់ស្អាត ដូច្នេះយើងខ្ញុំទើបមកទស្សនា។ ផ្កាកំពុងរីកស្គុសស្គាយ ដូច្នេះថតរូបស្អាតណាស់”។
|
|
វាលផ្កាបាក់វីតនៅភូមិ Dong Luong ឃុំ Quang Chu (ស្រុក Cho Moi ខេត្ដ Bac Kan) |
ជ្រលងផ្កាបាក់វីតនៅភូមិ Dong Luong ទើបបានដាំពីរបីឆ្នាំប៉ុណ្ណោះ។ កាលពីមុន តំបន់នេះភាគច្រើនដាំដំណាំពោតនិងដំណាំដំឡូងមី។ ក្នុងគោលបំណងអភិវឌ្ឍន៍អេកូទេសចរណ៍ ក្រុមហ៊ុនវិនិយោគពាណិជ្ជកម្ម ទេសចរណ៍ Ha Linh បានជួលដីនៅទីនោះ ដើម្បីយកពូជផ្កាបាក់វីតពីខេត្ដ Ha Giang មកដាំដុះនៅទីនេះ។ បន្ទាប់ពីដាំដុះមួយរយៈមក វាលផ្កាបានអភិវឌ្ឍទៅជាតំបន់ទេសចរណ៍របស់ស្រុក Cho Moi។ ជ្រលងផ្កាក៏បង្កើតការងារបន្ថែមសម្រាប់អ្នកតំបន់ផងដែរ។
ដោយល់ឃើញពីអត្ថប្រយោជន៍ពីការដាំផ្កាបាក់វីតដើម្បីបំរើវិស័យទេសចរណ៍ អាស្រ័យហេតុនេះ គ្រួសារជាច្រើនបានដាំផ្កាបាក់វីត។ ផ្កាបាក់វីតនៅភូមិ Dong Luong ស្រស់ស្អាតមិនចាញ់ផ្កានៅតំបន់ខ្ពង់រាបថ្ម Ha Giang ទេ ប៉ុន្ដែតំបន់ទេសចរណ៍នេះមិនសូវមានអ្នកស្គាល់ដោយសារការផ្សព្វផ្សាយមិនស្របនឹងសក្តានុពលនៃតំបន់នេះនៅឡើយ។ លើសពីនេះ ការទៅទស្សនាជ្រលងផ្កាមិនត្រឹមតែថតរូបប៉ុណ្ណោះទេ ថែមទាំងទាក់ទាញភ្ញៀវទេសចរឲ្យមកទស្សនាយ៉ាងច្រើនកុះករ ។
នៅទីនេះក៏ជាតំបន់ដែលជនជាតិ Mong និង Tay ជាច្រើនរស់នៅជាមួយគ្នា ដោយមានទំនៀមទម្លាប់ប្លែកៗ ដូច្នេះហើយតំបន់មូលដ្ឋានត្រូវមានគោលនយោបាយតភ្ជាប់តំបន់ដាំផ្កាជាមួយភូមិរបរ និងសកម្មភាពម្ហូបអាហារ សកម្មភាពវប្បធម៌ប្រជាប្រិយដើម្បីទាក់ទាញភ្ញៀវទេសចរមកទស្សនាកាន់តែច្រើនឡើងៗ៕
បកប្រែដោយ Pham Diep