ការប្រកួតគូរគំនូរក្នុងឱកាសរំលឹកខួបលើកទី ៦០ ឆ្នាំនៃការបង្កើតទំនាក់ទំនងការទូត វៀតណាម-គុយបា
កប.អនឡាញ - នាថ្ងៃទី ១៤ ខែកញ្ញា ក្រុមប្រឹក្សាមជ្ឈិមនៃអង្គការកុមារឈានមុខចំណុះគណៈកម្មាធិការមជ្ឈិមសម្ព័ន្ធយុវជនកុម្មុយនិស្តហូជីមិញ បានបំផុសការប្រកួតគូរគំនូរ “វៀតណាម - គុយបា ពោរពេញទៅដោយសាមគ្គីភាព” ដើម្បីអបអរសាទរខួបលើកទី ៦០ ឆ្នាំនៃការបង្កើតទំនាក់ទំនងការទូត វៀតណាម-គុយបា (ថ្ងៃទី២ ខែធ្នូ ឆ្នាំ១៩៦០ / ថ្ងៃទី២ ខែធ្នូ ឆ្នាំ២០២០)។
ការប្រកួតត្រូវបានរៀបចំឡើងសម្រាប់កុមារវៀតណាមដែលមានអាយុពី ៦ ទៅ ១៥ ឆ្នាំ។ ស្នាដៃទាំងឡាយបានបង្ហាញចំណេះដឹងអំពីប្រទេសគុយបា; ទំនាក់ទំនងមិត្តភាព និងសាមគ្គីភាព វៀតណាម-គុយបា; អំពីលោកប្រធាន Fidel Castro; ទំនាក់ទំនងរវាងលោកប្រធាន Fidel Castro ជាមួយលោកប្រធានហូជីមិញ ទឹកដី និងមនុស្សវៀតណាម រួមទាំងសកម្មភាពរបស់កុមាររបស់ប្រទេសទាំងពីរ៕
បកប្រែដោយ Huyen Trang