កម្ពុជាត្រូវបានជ្រើសរើសជាគោលដៅទេសចរណ៍បេតិកភណ្ឌអន្តរជាតិល្អបំផុតក្នុងតំបន់ប៉ាស៊ីហ្វិក
កប.អនឡាញ - នៅថ្ងៃទី ១៣ ខែមីនា ដោយយោងតាមសារព័ត៌មានកម្ពុជាបានផ្សាយថា ប្រទេសនេះត្រូវបានជ្រើសរើសជាគោលដៅទេសចរណ៍បេតិកភណ្ឌអន្ដរជាតិល្អបំផុតដោយសមាគមអ្នកសរសេរអំពីទេសចរណ៍ក្នុងតំបន់ប៉ាស៊ីហ្វិក (PATWA) ។
|
|
អ្នកទេសចរមកទស្សនានៅខេត្តសៀមរាបកាលពីថ្ងៃទី៥ ខែមីនា ឆ្នាំ២០២០ ( រូបថត៖ vnanet.vn) |
លោក Thourn Sinan ប្រធាន PATWA ប្រចាំកម្ពុជា បានឲ្យដឹងថា កម្ពុជាបានទទួលរង្វាន់នេះដោយមានគោលដៅទេសចរមានលក្ខណៈបេតិកភណ្ឌ ការរក្សាសន្តិសុខនិងសណ្ដាប់ធ្នាប់សាធារណៈបានល្អ ហើយប្រជាជនក្នុងស្រុកមានភាពរួសរាយរាក់ទាក់ជាដើម។ កាសែត Khmer Times បានដកស្រង់សម្តីលោកប្រធាន Thourn Sinan ឲ្យដឹងថា រង្វាន់នេះនឹងជួយផ្សព្វផ្សាយទឹកដីកម្ពុជាទៅកាន់ពិភពលោក។
អ្នកនាំពាក្យក្រសួងទេសចរណ៍កម្ពុជា បានឲ្យដឹងថា រង្វាន់នេះនឹងត្រូវប្រគល់ជូននៅទីក្រុង Berlin ប៉ុន្តែពិធីនេះនឹងត្រូវផ្អាកដោយការរីករាលដាលនៃជំងឺ COVID-19 ដែលកំពុងផ្ទុះឡើងយ៉ាងស្មុគ្រស្មាញ។ អ្នកនាំពាក្យរូបនេះបានសង្កត់ធ្ងន់ថា រង្វាន់នេះនឹងជួយផ្សព្វផ្សាយវិស័យទេសចរណ៍កម្ពុជាទៅកាន់ពិភពលោក។ លោកក៏បានបញ្ជាក់ថា កម្ពុជានឹងបន្តអភិរក្សបេតិកភណ្ឌជាតិដើម្បីធានាបាននូវឱកាសឈ្នះរង្វាន់នេះនៅឆ្នាំបន្តបន្ទាប់៕
បកប្រែដោយ Pham Diep