ពិព័រណ៌រូបថតស្ដីពីទឹកដី និងមនុស្សវៀតណាមនៅប្រទេសម៉ិកស៊ិក
កប.អនឡាញ - នាថ្ងៃទី១២ ខែកញ្ញា អាជ្ញាធរទីក្រុង Mexico City ប្រទេសម៉ិកស៊ិក បានសហការជាមួយស្ថានទូតវៀតណាមប្រចាំនៅប្រទេសម៉ិកស៊ិកបើកពិព័រណ៌រូបថតក្រោមប្រធានបទ “វៀតណាម-ការទាក់ទាញអារម្មណ៍ជាអមតៈ” នៅទីក្រុង Mexico City របស់ប្រទេសម៉ិកស៊ិក ក្នុងបំណងផ្សព្វផ្សាយដល់ប្រជាជន និងមិត្តភក្តិអន្តរជាតិពីទឹកដី និងមនុស្សវៀតណាម។
មានប្រសាសន៍ក្នុងពិធីបើកដោយមានការចូលរួមរបស់តំណាងអាជ្ញាធរនិងប្រជាជននៅទីក្រុង លោក Nguyen Hoai Duong ឯកអគ្គរដ្ឋទូតវៀតណាមប្រចាំនៅម៉ិកស៊ិក បានរំពឹងថា ពិព័រណ៌លើកនេះនឹងជួយប្រជាជនម៉ិកស៊ិកស្វែងយល់ថែមទៀតអំពីប្រទេសវៀតណាម រួមចំណែកក្នុងការជម្រុញចំណងសាមគ្គីភាព មិត្តភាពរវាងប្រទេសទាំងពីរ។
    |
 |
|
លោក Nguyen Hoai Duong ថ្លែងក្នុងពិព័រណ៌ (រូបថត៖ Vietnamplus.vn) |
លោក Jose Alfonso Suarez del Real y Aguilera នាយកនៃមន្ទីរវប្បធម៌ក្រុង Mexico City បញ្ជាក់ថា តាមរយៈរូបថតទាំងនេះ ប្រជាជននៃទីក្រុងនឹងយល់ដឹងថែមទៀតអំពីសោភ័នភាពធម្មជាតិភាពរសរាយរាក់ទាក់របស់មនុស្សវៀតណាម វប្បធម៌ម្ហូបអាហារវៀតណាម និងប្រទេសវៀតណាមមួយសន្តិភាព។
តាមគម្រោង ពិព័រណ៌នឹងបើកដល់ថ្ងៃទី៣០ ខែកញ្ញា៕
បកប្រែដោយ Thuy Anh