អង្គការសហប្រជាជាតិអំពាវនាវឲ្យមានកិច្ចសន្ទនាអំពីស្ថានភាពនៅអ៊ីរ៉ង់

សេចក្តីអំពាវនាវនេះ ត្រូវបាននាំចេញនៅពេលដែល លោក Donald Trump ប្រធានាធិបតីអាមេរិក កំពុងស្វែងរកកិច្ចព្រមព្រៀងនុយក្លេអ៊ែរថ្មីជាមួយអ៊ីរ៉ង់ ខណៈដែលទំនាក់ទំនងរវាងប្រទេសទាំងពីរនៅតែមានភាពតានតឹង និងបង្កហានិភ័យដែលអាចកើតមានជម្លោះ។

លោក Antonio Guterres ថ្លែងនៅក្នុងសន្និសីទសារព័ត៌មាននៅទីស្នាក់ការអង្គការសហប្រជាជាតិ ក្នុងទីក្រុងញូវយ៉ក សហរដ្ឋអាមេរិក នៅថ្ងៃទី២៩ ខែមករា ឆ្នាំ ២០២៦ (រូបថត៖ REUTERS/Eduardo Munoz)

នៅថ្ងៃដដែលនោះ លោក Tedros Adhanom Ghebreyesus អគ្គនាយកអង្គការសុខភាពពិភពលោក (WHO) បានសម្តែងការព្រួយបារម្ភអំពីរបាយការណ៍នៃការវាយប្រហារលើមន្ទីរពេទ្យ និងបុគ្គលិកថែទាំសុខភាពនៅក្នុងប្រទេសអ៊ីរ៉ង់។ នៅលើវេទិកាប្រព័ន្ធផ្សព្វផ្សាយសង្គម X លោក Tedros បាននិយាយថា WHO បានបញ្ជាក់ពីការវាយប្រហារថ្មីៗនេះលើមន្ទីរពេទ្យមួយនៅក្នុងប្រទេសអ៊ីរ៉ង់ និងការខូចខាតដល់មណ្ឌលសុខភាពជាច្រើនទៀត ដែលបណ្តាលឱ្យបុគ្គលិកសង្គ្រោះបន្ទាន់រាប់សិបនាក់រងរបួស។ លោកអគ្គនាយកអង្គការសុខភាពពិភពលោកបានអំពាវនាវឱ្យមានការដោះលែងបុគ្គលិកថែទាំសុខភាពទាំងអស់ដែលត្រូវបានឃុំខ្លួន ដោយសង្កត់ធ្ងន់លើតម្រូវការបន្ទាន់ក្នុងការការពារមណ្ឌលសុខភាព និងធានាបាននូវសេវាថែទាំសុខភាពដោយមិនមានការរំខាន៕

តាម vovworld.vn