អ៊ីរ៉ាក់កំណត់កាលបរិច្ឆេទសម្រាប់ការបោះឆ្នោតជ្រើសរើសប្រធានាធិបតី

យោងតាមប្រពៃណីអ៊ីរ៉ាក់ ប្រធានាធិបតីគឺជាជនជាតិ ឃឺដ នាយករដ្ឋមន្ត្រីគឺជាជនឥស្លាមស៊ីអ៊ីត និងប្រធានសភាគឺជាជនឥស្លាមស៊ុននី។ បញ្ជីឈ្មោះសម្រាប់បោះឆ្នោតប្រធានាធិបតី រួមមានបេក្ខជនចំនួន ១៨ រូប។ មុខតំណែងប្រធានាធិបតីជាធម្មតាទទួលបន្ទុកដោយសហភាពស្នេហាជាតិឃឺឌ (PUK)។ នៅឆ្នាំនេះ គណបក្សប្រជាធិបតេយ្យឃឺឌ (KDP) បានតែងតាំងរដ្ឋមន្ត្រីការបរទេស លោក Fuad Hussein ជាបេក្ខជនរបស់ខ្លួន។

ទិដ្ឋភាពនៃសម័យប្រជុំសភាអ៊ីរ៉ាក់នៅទីក្រុងបាកដាដ (រូបថត៖ vnanet.vn)

រដ្ឋធម្មនុញ្ញអ៊ីរ៉ាក់បានចែងថា សម័យប្រជុំសភាដើម្បីជ្រើសរើសប្រធានាធិបតីត្រូវតែមានវត្តមានយ៉ាងហោចណាស់២/៣ នៃសមាជិកសរុប (សមាជិកសភាចំនួន ២២០/៣២៩ រូប)។ បេក្ខជននឹងយកឈ្នះក្នុងជុំទីមួយ ប្រសិនបើពួកគេទទួលបានសំឡេងគាំទ្រចំនួន ២/៣។ ប្រសិនបើគ្មានបេក្ខជនណាម្នាក់ទទួលបានចំនួនសំឡេងគាំទ្រដែលត្រូវការនោះទេ ការបោះឆ្នោតជុំទីពីរនឹងត្រូវបានធ្វើឡើងរវាងបេក្ខជនឈានមុខគេទាំងពីរ។ បេក្ខជនដែលទទួលបានសំឡេងគាំទ្រ ៥១% នឹងក្លាយជាប្រធានាធិបតីថ្មី។ បន្ទាប់មកប្រធានាធិបតីថ្មីនឹងមានរយៈពេល ១៥ ថ្ងៃដើម្បីតែងតាំងនាយករដ្ឋមន្ត្រីថ្មី៕

តាម vovworld.vn