លោក ដូណាល់ ត្រាំ ប្រកាសថា នឹងស្វែងរកដំណោះស្រាយលើបញ្ហាហ្គ្រីនឡែន ដែលបំពេញចិត្តទាំងអាមេរិក និងណាតូ
ថ្លែងនៅក្នុងសន្និសីទសារព័ត៌មាននាថ្ងៃទី២០ ខែមករា នៅសេតវិមាន ក្នុងឱកាសខួប ១ ឆ្នាំនៃការវិលត្រឡប់ឡើងកាន់អំណាច ប្រធានាធិបតីអាមេរិក លោក ដូណាល់ ត្រាំ បានឲ្យដឹងថា សហរដ្ឋអាមេរិក និងអង្គការសន្ធិសញ្ញាអាត្លង់ទិកខាងជើង (ណាតូ) នឹងឈានដល់កិច្ចព្រមព្រៀងមួយស្តីពីអនាគតរបស់ហ្គ្រីនឡែន ដែលជាកោះស្វយ័តរបស់ប្រទេសដាណឺម៉ាក។ ប្រធានាធិបតីអាមេរិក បានប្រកាសថា លោកនឹងបញ្ចុះបញ្ចូលប្រជាជនហ្គ្រីនឡែនថា ពួកគេនឹងសប្បាយរីករាយនៅពេលបានក្លាយជាផ្នែកមួយនៃសហរដ្ឋអាមេរិក។