អាមេរិក-ជប៉ុន-កូរ៉េខាងត្បូង នឹងរៀបចំសមយុទ្ធ "Freedom Edge" ជាលើកដំបូង
នាថ្ងៃទី ២ ខែមិថុនា រដ្ឋមន្ត្រីការពារជាតិអាមេរិក ជប៉ុន និងកូរ៉េខាងត្បូងបានជួបពិភាក្សាគ្នាអំពីវិធានការពង្រឹងកិច្ចសហប្រតិបត្តិការសន្តិសុខត្រីភាគី ដោយផ្តោតលើការពង្រីកទ្រង់ទ្រាយនៃការធ្វើសមយុទ្ធរួមក្នុងឆ្នាំនេះ។ កិច្ចប្រជុំនេះត្រូវបានរៀបចំឡើងនៅខាងក្រៅនៃកិច្ចសន្ទនា Shangri-La លើកទី ២១ ដែលបានប្រព្រឹត្តិទៅនៅសិង្ហបុរី ចាប់ពីថ្ងៃទី ៣១ ខែឧសភាដល់ថ្ងៃទី ២ ខែមិថុនា។
រដ្ឋមន្ត្រីការពារជាតិកូរ៉េខាងត្បូង លោក Shin Won-sik និងសមភាគី លោក Lloyd Austin (អាមេរិក) និង Minoru Kihara (ជប៉ុន) បានយល់ព្រមធ្វើសមយុទ្ធត្រីភាគីមួយដែលមានឈ្មោះថា "Freedom Edge" នៅរដូវក្តៅនេះ ដែលក្នុងនោះ "Freedom" គឺជាពាក្យដំបូងក្នុងនាមសមយុទ្ធទ្វេភាគី “Freedom Shield” រវាងអាមេរិក និងកូរ៉េខាងត្បូង ខណៈដែល “Edge” គឺជាពាក្យចុងក្រោយក្នុងនាមសមយុទ្ធ “Keen Edge” រវាងអាមេរិក និងកូរ៉េខាងត្បូង។
    |
 |
|
រដ្ឋមន្ត្រីការពារជាតិជប៉ុន Kihara Minoru ជាមួយសមភាគីអាមេរិក Lloyd Austin និងកូរ៉េខាងត្បូង លោក Shin Won-sik (រូបថត៖ vnanet.vn) |
សមយុទ្ធនេះនឹងប្រព្រឹត្តិទៅក្នុងវិស័យផ្សេងៗគ្នាជាច្រើន រួមទាំងការការពារដែនអាកាស ដែនសមុទ្រ ការប្រឆាំងនាវាមុជទឹក និងការគំរាមកំហែងក្រោមទឹក ក៏ដូចជាសមយុទ្ធតាមអ៊ីនធឺណែតផងដែរ។ ទោះជាយ៉ាងណាក៏ដោយ ក្រសួងការពារជាតិកូរ៉េខាងត្បូងមិនបានបញ្ជាក់ពីពេលវេលា និងទីតាំងជាក់លាក់នៃសមយុទ្ធនៅឡើយទេ៕
តាម vovworld.vn