IMF និងអ៊ុយក្រែនឈានដល់កិច្ចព្រមព្រៀងលើប្រាក់កម្ចីចំនួន ១៥.៦ ពាន់លានដុល្លារ

នេះនឹងជាប្រាក់កម្ចីធំបំផុតរបស់ស្ថាប័នផ្តល់កម្ចីសកលដល់ប្រទេសដែលមានជម្លោះ។ យោងតាម IMF កិច្ចព្រមព្រៀងនេះ គ្រោងនឹងបើកចំណាយហិរញ្ញប្បទានសម្បទានទ្រង់ទ្រាយធំសម្រាប់អ៊ុយក្រែនពីម្ចាស់ជំនួយ និងដៃគូអន្តរជាតិផ្សេងទៀត។ ក្រុមនៃប្រទេសឧស្សាហកម្មឈានមុខគេរបស់ពិភពលោក (G7) ក៏ត្រូវបានរំពឹងថា នឹងផ្តល់ជំនួយហិរញ្ញវត្ថុដល់អ៊ុយក្រែនផងដែរ ទោះបីជាព័ត៌មានលម្អិតមិនត្រូវបានចេញផ្សាយក៏ដោយ។

រូបសញ្ញា IMF នៅទីក្រុង Washington DC សហរដ្ឋអាមេរិក (រូបថត៖ vnanet.vn)

ពាក់ព័ន្ធនឹងអ៊ុយក្រែនផងដែរ កាលពីម្សិលមិញ អគ្គលេខាធិការអង្គការណាតូ លោក Jens Stoltenberg បាននិយាយថា លោកនឹងកោះប្រជុំជាន់ខ្ពស់នៃអង្គការយោធាជាមួយអ៊ុយក្រែននៅខែក្រោយ បើទោះបីជាមានការប្រឆាំងពីប្រទេសហុងគ្រីក៏ដោយ។ កិច្ចប្រជុំនេះនឹងធ្វើឡើងនៅក្រៅកិច្ចប្រជុំរដ្ឋមន្ត្រីការបរទេសណាតូនៅទីក្រុងព្រុចសែល ថ្ងៃទី៤ និងទី៥ ខែមេសា។ អគ្គលេខាធិការអង្គការណាតូក៏បានកត់សម្គាល់ផងដែរថា ប្រធានាធិបតីអ៊ុយក្រែនត្រូវបានអញ្ជើញឱ្យចូលរួមក្នុងកិច្ចប្រជុំកំពូលរបស់អង្គការណាតូនៅប្រទេសលីទុយអានីក្នុងខែកក្កដា ឆ្នាំ ២០២៣៕

តាម vovworld.vn