ប្រធាន Fed៖ អត្រា​ពន្ធថ្មីអាចបណ្តាលឱ្យអតិផរណាកើនឡើងនិងបន្ថយល្បឿនកំណើនសេដ្ឋកិច្ចអាមេរិក

លោក Jerome Powell បានឲ្យដឹងថា ទំហំ និងវិសាលភាពនៃអត្រាពន្ធដែលលោកប្រធានាធិបតី Donald Trump ទើបបានប្រកាសគឺលើសពីការរំពឹងទុកនិងបង្កើនហានិភ័យនៃអតិផរណារយៈពេលវែង។ នេះជាសេចក្តីប្រកាសរបស់លោកប្រធាន Fed បានលើកឡើងនៅពេលដែលទីផ្សារភាគហ៊ុនរងផលប៉ះពាល់យ៉ាងខ្លាំងដោយសារតែវិធានការពន្ធរបស់លោកប្រធានាធិបតី Donald Trump។ ប្រធាននិងមន្ត្រី Fed ជាច្រើននាក់ផ្សេងទៀតបានព្រមានម្តងហើយម្តងទៀតថា ពន្ធនាំចូលខ្ពស់នឹងបង្កឱ្យមានការលំបាកសម្រាប់ទីភ្នាក់ងារនេះ ក្នុងការកាត់បន្ថយអត្រាការប្រាក់ ដែលត្រូវបានដំឡើងដើម្បីប្រយុទ្ធប្រឆាំងនឹងអតិផរណា។

លោក Jerome Powell ប្រធានធនាគារកណ្តាលអាមេរិក (រូបថត៖ Reuters)

ភ្លាមមួយរំពិច លោកប្រធានាធិបតី Donald Trump បានរិះគន់ប្រធាន Fed នៅលើបណ្តាញសង្គម TruthSocial។ យោងតាមលោក Trump ក្នុងរយៈពេលពីរខែដែលលោកកាន់តំណែងជាប្រធានាធិបតីអាមេរិក តម្លៃថាមពល អត្រាការប្រាក់ និងអតិផរណាសុទ្ធតែធ្លាក់ចុះ ខណៈដែលបរិមាណការងារបានកើនឡើង ហើយបច្ចុប្បន្ននេះ គឺជាពេលវេលាដ៏ល្អបំផុតដើម្បីកាត់បន្ថយអត្រាការប្រាក់៕

តាម vovworld.vn