ក្រុមប្រឹក្សាសន្តិសុខអង្គការសហប្រជាជាតិធ្វើកិច្ចសន្ទនាស្តីពីបញ្ហាអាវុធគីមីនៅស៊ីរី
នារសៀលថ្ងៃទី ១២ ខែឧសភា សមាជិកក្រុមប្រឹក្សាសន្តិសុខអង្គការសហប្រជាជាតិបានបើកកិច្ចសន្ទនាអន្តរកម្មក្រៅផ្លូវការស្តីពីអាវុធគីមីនៅស៊ីរីដោយមានការចូលរួមពិអគ្គលេខាធិការរងនិងតំណាងជាន់ខ្ពស់របស់អង្គការសហប្រជាជាតិទទួលបន្ទុកការរំសាយសព្វាវុធ លោកស្រី Izumi Nakamitsu អគ្គនាយកនៃអង្គការហាមឃាត់អាវុធគីមី (OPCW) លោក Fernando Arias និងអ្នកសម្របសម្រួលក្នុងក្រុមស៊ើបអង្កេតនិងផ្ទៀងផ្ទាត់របស់ OPCW លោក Santiago Onate។
    |
 |
|
ទិដ្ឋភាពក្រោយពីការប្រយុទ្ធគ្នានៅអ៊ីដលីបប្រទេសស៊ីរីនាថ្ងៃទី ៤ ឧសភាឆ្នាំ ២០២០ ( រូបថតៈ AFP / TTXVN) |
ថ្លែងកិច្ចសន្ទនានេះ សមាជិកក្រុមប្រឹក្សាសន្តិសុខក៏បានសំដែងនូវទស្សនៈលើរបាយការណ៍ថ្មីដែលបានចេញផ្សាយកាលពីថ្ងៃទី ៨ ខែមេសា ឆ្នាំ២០២០ របស់ក្រុមស៊ើបអង្កេតនិងផ្ទៀងផ្ទាត់ស្តីពីការប្រើប្រាស់អាវុធគីមីនៅប្រទេសស៊ីរី។
ប្រទេសមួយចំនួនបានលើកឡើងនូវសន្និដ្ឋាននៃរបាយការណ៍ស្តីពីការមានមូលដ្ឋាននានាប៉ុន្តែមិនអាចចេញសេចក្តីសន្និដ្ឋានពិតប្រាកដណាមួយដែលចោទថា កងទ័ពជើងអាកាសស៊ីរីបានធ្វើការវាយប្រហារគីមីចំនួន ៣ លើកនៅឯទីក្រុង Ltamenah កាលពីខែមីនា ឆ្នាំ២០១៧។ ប្រទេសមួយចំនួនទៀតក៏បានបដិសេធជាសាធារណៈស្តីពីនីតិវិធីរបស់ក្រុមស៊ើបអង្កេតនិងផ្ទៀងផ្ទាត់ ក៏ដូចជារបាយការណ៍របស់ក្រុមនេះផងដែរ។
ថ្លែងនៅឯកិច្ចប្រជុំនេះ តំណាងក្រុមបេសកកម្មវៀតណាមប្រចាំនៅអង្គការសហប្រជាជាតិបានអះអាងថា គោលជំហរដោយឥតងាករេរបស់វៀតណាមគឺប្រឆាំងជំទាស់រាល់សកម្មភាពនៃការប្រើប្រាស់អាវុធគីមី ព្រមទាំងគាំទ្រដល់ការអនុវត្តយ៉ាងពេញលេញនូវអនុសញ្ញាស្តីពីការហាមឃាត់អាវុធគីមី ហើយរាល់សកម្មភាពរបស់ OPCW ដែលត្រូវបានអនុវត្តស្របតាមអនុសញ្ញាផងដែរ៕
តាម vovowrld.vn