សហរដ្ឋអាមេរិកត្រៀមដាក់ពន្ធលើដៃគូពាណិជ្ជកម្មទាំងអស់

យោងតាមលោកស្រី Karoline Leavitt លេខាធិការសារព័ត៌មានសេតវិមាន ការដាក់ពន្ធទៅវិញទៅមករបស់សហរដ្ឋអាមេរិកនឹងចូលជាធរមានភ្លាមៗបន្ទាប់ពីត្រូវបានប្រកាសដោយលោកប្រធានាធិបតី Trump ខណៈដែលពន្ធ ២៥% លើរថយន្តនាំចូលនឹងត្រូវបានអនុវត្តន៍ចាប់ពីថ្ងៃទី ៣ ខែមេសា។

សេតវិមាននៅទីក្រុងវ៉ាស៊ីនតោនឌីស៊ី សហរដ្ឋអាមេរិក (រូបថត៖ vnanet.vn)

លោកស្រី Karoline បានឲ្យដឹងថា៖ "ថ្ងៃទី ២ ខែមេសា ឆ្នាំ២០២៥ គឺជាថ្ងៃដ៏សំខាន់បំផុតមួយនៅក្នុងប្រវត្តិសាស្ត្រសម័យទំនើបរបស់សហរដ្ឋអាមេរិក។ អាមេរិកជាខឿនសេដ្ឋកិច្ចមួយក្នុងចំណោមខឿនសេដ្ឋកិច្ចបើកចំហបំផុតនៅលើពិភពលោក និងមានមូលដ្ឋានប្រើប្រាស់ល្អបំផុត ខណៈពេលដែលប្រទេសជាច្រើនបានបិទទ្វារចំពោះទំនិញនាំចេញរបស់សហរដ្ឋអាមេរិក។ នេះជាប្រការអយុត្តិធម៌ ហើយនាំឱ្យមានឱនភាពប្រចាំឆ្នាំអូសបន្លាយ ដែលជិះឥទ្ធិផលដល់ឧស្សាហកម្មនិងកម្លាំងពលកម្មអាមេរិក។ ចាប់ពីថ្ងៃទី ២ មេសា តទៅ សេចក្តីសម្រេចរបស់លោកប្រធានាធិបតី Trump នឹងកែលម្អលក្ខណៈប្រកួតប្រជែងរបស់សហរដ្ឋអាមេរិកនៅក្នុងគ្រប់ផ្នែកឧស្សាហកម្មទាំងអស់ ដោយកាត់បន្ថយឱនភាពពាណិជ្ជកម្ម ក៏ដូចជាការពារសេដ្ឋកិច្ចនិងសន្តិសុខជាតិអាមេរិក"។

ទន្ទឹមនឹងការដាក់ពន្ធទៅវិញទៅមក រដ្ឋបាលរបស់លោក Trump ក៏អំពាវនាវឱ្យក្រុមហ៊ុនបរទេសមកបណ្តាក់ទុននៅសហរដ្ឋអាមេរិក ដើម្បីទទួលផលពីអត្រាពន្ធ និងតម្លៃថាមពលអនុគ្រោះ។

ប្រទេសជាច្រើន ដូចជាកាណាដានិងសហភាពអឺរ៉ុប បានប្តេជ្ញាសងសឹកប្រឆាំងនឹងកាយវិការរបស់អាមេរិក បើទោះបីជាពួកគេសម្រេចបានកិច្ចព្រមព្រៀងដាច់ដោយឡែកជាមួយសហរដ្ឋអាមេរិកស្តីពីការដាក់ពន្ធទៅវិញទៅមកក៏ដោយ៕

តាម vovworld.vn