ការបោះឆ្នោតនៅសហរដ្ឋអាមេរិកឆ្នាំ ២០២៤៖ លោក Biden ប្រធានាធិបតី ពង្រីកគម្លាតជាមួយបេក្ខជន Donald Trump
យោងតាមលទ្ធផលស្ទង់មតិនាពេលថ្មីៗបំផុតរបស់ទីភ្នាក់ងារសារព័ត៌មាន Reuters/Ipsos ដែលបានចេញផ្សាយនាថ្ងៃទី ១០ខែមេសា បានឲ្យដឹងថា លោក Joe Biden ប្រធានាធិបតីអាមេរិកបច្ចុប្បន្ន បានពង្រីកគម្លាតនាំមុខលោក Donald Trump អតីតប្រធានាធិបតី មុនការបោះឆ្នោតសកលនាខែវិច្ឆិកាខាងមុខ ខណៈដែលបេក្ខជនមកពីគណបក្សសាធារណរដ្ឋត្រៀមខ្លួនប្រឈមមុខនឹងអង្គជំនុំជំរះដំបូងក្នុងចំណោមអង្គជំនុំជំរះព្រហ្មទណ្ឌទាំង ៤ ដែលប្រឆាំងនឹងលោក។