គ្រោះរញ្ជួយដីដ៏ខ្លាំងនៅតៃវ៉ាន់ (ចិន) និងជប៉ុន
គ្រោះរញ្ជួយដីកម្រិត ៧,២ - ៧,៥ រ៉ិចទ័រ បានកើតឡើងនៅកោះតៃវ៉ាន់ នៅវេលាម៉ោង ៧៖៥៨ ព្រឹកថ្ងៃទី ៣ ខែមេសា (ម៉ោងក្នុងស្រុក)។ ការរញ្ជួយដីបានបណ្តាលឱ្យដាច់ចរន្តអគ្គិសនីនៅកន្លែងជាច្រើននៅក្នុងទីក្រុងតៃប៉ិនៃកោះតៃវ៉ាន់(ចិន); ទន្ទឹមនឹងនេះដែរ មានមនុស្សមួយចំនួនបានជាប់គាំងនៅក្រោមអគារបាក់រលំនៅទីក្រុង Hualien នៅជិតចំណុចកណ្តាលនៃការរញ្ជួយដី។
យោងតាមទីភ្នាក់ងារឧតុនិយមរបស់តៃវ៉ាន់ ចំណុចកណ្តាលនៃការរញ្ជួយដីនេះ គឺស្ថិតនៅលើឆ្នេរសមុទ្រភាគខាងកើតនៃកោះតៃវ៉ាន់។ នេះជាការរញ្ជួយដីដ៏ធំបំផុតនៅលើកោះនេះ ចាប់តាំងពីឆ្នាំ ១៩៩៩ មក។ បច្ចុប្បន្ននេះ អាជ្ញាធរតៃវ៉ាន់មិនទាន់ទទួលបានរបាយការណ៍អំពីការខូចខាតដោយសារការរញ្ជួយដីនេះទេ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/04/03/upload_2133/15-dongdat_ayvo.png?dpi=150&quality=100&w=500) |
អគារត្រូវបានបាក់បែកនៅក្នុងស្រុក Hualien ភាគខាងកើតនៃកោះតៃវ៉ាន់ (ចិន) កាលពីថ្ងៃទី៣ ខែមេសា ឆ្នាំ២០២៤។ រូបថត៖ AP |
នៅព្រឹកថ្ងៃដដែល នៅវេលាម៉ោង ៩៖១៨ នាទី (ម៉ោងក្នុងតំបន់) រលកយក្សស៊ូណាមិកម្ពស់ ០,៣ ម៉ែត្របានកើតឡើងនៅលើកោះ Yonaguni របស់ប្រទេសជប៉ុន ហើយការរញ្ជួយដីកម្រិត ៧,៤រ៉ិចទ័របានកើតឡើងនៅម៉ោង ៨៖៥៨នាទីព្រឹក (ម៉ោងក្នុងតំបន់) នៅក្នុងលំហសមុទ្រក្បែរដែនទឹកនៃកោះតៃវ៉ាន់(ចិន)។ ប្រទេសជប៉ុនបានចេញការព្រមានជម្លៀសប្រជាជននៅតំបន់ឆ្នេរសមុទ្រនៃខេត្ត Okinawa ភាគខាងត្បូងរបស់ប្រទេសនេះ។ ទីភ្នាក់ងារឧតុនិយមជប៉ុនបានព្យាករណ៍ថា រលកយក្សស៊ូណាមិមានកម្ពស់រហូតដល់ ៣ ម៉ែត្រអាចវាយប្រហារលើតំបន់ឆ្នេរសមុទ្រភាគនិរតីរបស់ប្រទេសជប៉ុន។
ទីភ្នាក់ងាររញ្ជួយដីហ្វីលីពីនក៏បានចេញផ្សាយការព្រមានអំពីរលកយក្សស៊ូណាមិសម្រាប់ប្រជាជននៅតាមតំបន់ឆ្នេរសមុទ្រនៃខេត្តមួយចំនួន ដោយជំរុញឱ្យប្រជាជនជម្លៀសខ្លួនទៅកាន់ទីតាំងខ្ពស់ជាង ឬមានសុវត្ថិភាពជាងនេះ៕
តាម vovworld.vn