ប្រធានាធិបតីអាមេរិកលោក Biden និងលោក Donald Trump ឈ្នះការបោះឆ្នោតបឋមនៅរដ្ឋ Michigan
ប្រធានាធិបតីអាមេរិកលោក Joe Biden និងអតីតប្រធានាធិបតីលោក Donald Trump សុទ្ធតែបានឈ្នះការបោះឆ្នោតបឋមនាថ្ងៃទី ២៧ កម្ភៈ នៅរដ្ឋយុទ្ធសាស្ត្រ Michigan ហើយជួយបេក្ខជនទាំងពីររូបនេះខិតទៅជិតការតែងតាំងជាផ្លូវការរបស់គណបក្សប្រជាធិបតេយ្យ និងសាធារណរដ្ឋ។
យោងតាមលទ្ធផលបឋមដែលបានប្រកាសដោយបណ្តាញសារព័ត៌មានអាមេរិកជាច្រើននាយប់ថ្ងៃទី ២៧ កុម្ភៈ (ម៉ោងក្នុងស្រុក) បានឲ្យដឹងថា អតីតប្រធានាធិបតីលោក Donald Trump ដណ្ដើមបានជ័យជំនះលើគូប្រជែងដ៏សំខាន់ចុងក្រោយរបស់លោកគឺអតីតឯកអគ្គរដ្ឋទូតសហរដ្ឋអាមេរិកប្រចាំនៅអង្កការសហប្រជាជាតិ លោក Nikki Haley ក្នុងការបោះឆ្នោតបឋមរបស់គណបក្សសាធារណរដ្ឋនៅរដ្ឋ Michigan។ នេះគឺជាជ័យជម្នះលើកទី ៥ ជាប់គ្នារបស់លោក Trump ក្នុងជុំបោះឆ្នោតបឋមរបស់គណបក្សសាធារណរដ្ឋ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/02/28/upload_2118/my.jpg?dpi=150&quality=100&w=500) |
លោក Biden និងលោក Donald Trump (រូបថត៖ CBS NEWS) |
នៅរដ្ឋ Michigan ដដែល ប្រធានាធិបតីសហរដ្ឋអាមេរិកលោក Joe Biden បានវ៉ាដាច់សមាជិករដ្ឋសភាលោក Dean Phillips ដែលជាគូប្រជែងដ៏គួរឱ្យកត់សម្គាល់តែមួយគត់របស់លោកដែលនៅសេសសល់នៅក្នុងការបោះឆ្នោតបឋមរបស់គណបក្សប្រជាធិបតេយ្យ។ ទោះជាយ៉ាងណាក៏ដោយ ម្ចាស់ឆ្នោតមួយចំនួនធំនៅក្នុងរដ្ឋនេះបានបោះឆ្នោត "មិនសន្យា" មានន័យថាមិនជ្រើសរើសបេក្ខជនណាមួយសំដៅជំទាស់នឹងរបៀបដែលរដ្ឋអំណាចរបស់ប្រធានាធិបតីលោក Biden ដោះស្រាយជម្លោះហាម៉ាស - អ៊ីស្រាអែលនៅតំបន់ ហ្គាហ្សា។ យោងតាមអ្នកវិភាគបានឲ្យដឹងថា នេះគឺជាសញ្ញាដែលសរឲ្យឃើញថា លោកប្រធានាធិបតី Joe Biden អាចប្រឈមនឹងហានិភ័យនាពេលខាងមុខ។
រដ្ឋ Michigan គឺជារដ្ឋសមរភូមិដ៏សំខាន់មួយដែលបានជួយលោក Joe Biden វាយបរាជ័យលោក Donald Trump ក្នុងការបោះឆ្នោតប្រធានាធិបតីសហរដ្ឋអាមេរិកឆ្នាំ ២០២០៕
តាម vovworld.vn