UNESCO លើកតម្កើងគ្រូពេទ្យដ៏ល្បីល្បាញ Hai Thuong Lan Ong - Le Huu Trac

ទិដ្ឋភាពនៃសម័យប្រជុំរបស់ UNESCO។ (រូបថត៖ VNA)

សម័យប្រជុំលើកទី ៤២ នៃមហាសន្និបាតអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ដែលបានប្រព្រឹត្តទៅកាលពីថ្ងៃទី ២១ ខែវិច្ឆិកា នៅទីស្នាក់ការកណ្តាលរបស់អង្គការយូណេស្កូ នៅទីក្រុងប៉ារីស (ប្រទេសបារាំង) បានអនុម័តលើសេចក្តីសម្រេចចិត្តមួយដែលផ្ដល់សច្ចាប័ណ្ណលើបញ្ជីឈ្មោះ “វរជនវប្បធម៌ និងព្រឹត្តិការណ៍ប្រវត្តិសាស្ត្រសម្រាប់ឆ្នាំ ២០២៤ - ២០២៥” ក្នុងនោះមានសំណុំឯកសារស្ដីពីការរំលឹកខួបលើកទី ៣០០ ទិវាកំណើតរបស់គ្រូពេទ្យដ៏ល្បីល្បាញ Hai Thuong Lan Ong - Le Huu Trac។

គ្រូពេទ្យដ៏ល្បីល្បាញ Hai Thuong Lan Ong - Le Huu Trac (១៧២៤-១៧៩១) បានកើតនៅស្រុក Yen My ខេត្ត Hung Yen ប្រទេសវៀតណាម ជាគ្រូពេទ្យ ដ៏ល្បីឈ្មោះម្នាក់ ព្រមទាំងជាកវីនិងជាអ្នកនិពន្ធដ៏ឆ្នើម ដោយមានគំនិតជឿន លឿន ស្មារតីមនុស្សធម៌ជ្រាលជ្រៅ ជាពិសេសមនោគមវិជ្ជាមនុស្សសាស្ត្រ "ការរស់នៅដើម្បីមនុស្សគ្រប់គ្នា" និងស្មារតីនៃ "ការរៀនសូត្រពេញមួយជីវិត" ដែលជាគុណតម្លៃដែលអង្គការយូណេស្កូកំពុងជំរុញ។ លោកគឺជាអ្នកនិពន្ធនៃកម្រងសៀវភៅដែល ត្រូវបានគេចាត់ទុកថាជា "សព្វវចនាធិប្បាយ” ផ្នែកជំនាញវេជ្ជសាស្ត្រដ៏មហិមារបំផុតរបស់វៀតណាមក្នុងសម័យមុន ហើយនៅតែមានតម្លៃដដែលរហូតដល់សព្វថ្ងៃនេះ៕

តាម vovworld.vn