ថ្នាំប្រឆាំងវីរុស SARS-CoV-2 ដំបូងទទួលការអនុញ្ញាតដោយក្រសួងសុខាភិបាលរុស្ស៊ី
កប.អនឡាញ - យោងតាមទីភ្នាក់ងារសារព័ត៌មានវៀតណាមនៅទីក្រុងមូស្គូនៃប្រទេសរុស្ស៊ីបានឲ្យដឹងថា ថ្នាំប្រឆាំងវីរុស COVID-19 ដំបូងត្រូវបានអនុញ្ញាតឲ្យប្រើប្រាស់ក្រោយការយល់ព្រមរបស់ក្រសួងសុខាភិបាលរុស្ស៊ី។
|
|
រូបថតឧទាហរណ៍ (en.armradio.am) |
ថ្នាំនោះជាថ្នាំដំបូងបង្ហាញពីប្រសិទ្ធភាពខ្ពស់របស់វាក្នុងការរាំងខ្ទប់បណ្ដាយន្តការនៃការវាយលុករបស់វីរុសក្នុងពេលសាកល្បងគ្លីនីក ដែលដំណាក់កាលចុងក្រោយនៅបន្ត។ ថ្នាំប្រឆាំងវីរុស COVID-19 ដំបូងនេះមានឈ្មោះថា AVIFAVIR ដែលផលិតដោយការសហការគ្នារវាងមូលនិធិរុស្ស៊ីសម្រាប់ការវិនិយោគ (RFPI) និងក្រុមហ៊ុន KHIMRAR បានទទួលការយល់ព្រមរបស់ក្រសួងសុខាភិបាល។
ថ្នាំ AVIFAVIR នោះពេលយកទៅប្រើជាមួយបណ្ដាអ្នកជំងឺឆ្លងវីរុស COVID-19 ក្នុងពេលសាកល្បងគ្លីនិកបានបង្ហាញនូវប្រសិទ្ធភាពខ្ពស់។ ថ្នាំនេះជាថ្នាំដំបូងមានឥទ្ធិពលប្រឆាំងវីរុសដោយផ្ទាល់ចុះបញ្ជីនៅរុស្ស៊ី ដែលបង្ហាញប្រសិទ្ធភាពក្នុងការសាកល្បងគ្លីនិក ប្រឆាំងវីរុស COVID-19។ នេះជាការអះអាងរបស់ក្រុមហ៊ុន KHIMRAR។ ថ្នាំនេះផលិតដោយមានការសិក្សាត្រឹមត្រូវណាស់ ព្រោះវាធ្វើ្វចរាចរណ៍នៅជប៉ុនចាប់តាំងពីឆ្នាំ ២០១៤ មកម៉្លេះ ហើយវាប្រើប្រឆាំងជំងឺគ្រុនផ្ដាសាយធ្ងន់ធ្ងរ។
ក្រុមហ៊ុន KHIMRAR បន្តថា ដំណាក់កាលចុងក្រោយនៃការសិក្សាគ្លីនិករបស់ថ្នាំំ AVIFAVIR ដែលអនុម័តដោយក្រសួងសុខាភិបាលរុស្ស៊ីកាលពីថ្ងៃទី ២១ ឧសភា ជាមួយការចូលរួមរបស់អ្នកជំងឺ ៣៣០ នាក់បច្ចុប្បន្នកំពុងបានប្រព្រឹត្តទៅ។
ថ្នាំនេះបង្ហាញពីប្រសិទ្ធភាពធំធេង ក្រោយការសាកល្បងដែលធ្វើដោយមជ្ឈមណ្ឌលសុខាភិបាល និងស្រាវជ្រាវរុស្ស៊ីជាច្រើនក្នុងនោះមានសាកលវិទ្យាល័យវេជ្ជសាស្ត្រ IVAN SETCHENOV ទីក្រុងមូស្គូនិងសាកលវិទ្យាល័យរដ្ឋ LOMONOSSOV ក្រុងមូស្គូ៕
បកប្រែដោយ Pham Diep