នំ khau sli របស់ជនជាតិ Tay នៅខេត្ត Bac Kan
កប.អនឡាញ - គ្រួសាររបស់លោកស្រី Hoang Thi Dieu ជនជាតិ Tay នៅភូមិ Na Hin ទីរួមស្រុក Yen Lac ស្រុក Na Ri ខេត្ត Bac Kan មានទំនៀមទម្លាប់ធ្វើនំ khau sli អស់រយៈពេលជាង ៥០ ឆ្នាំមកហើយ។
លោកស្រី Dieu បានចែករំលែកថា៖ "ខ្ញុំចេះធ្វើនំ khau sli តាំងពីខ្ញុំនៅក្មេង។ កាលពីមុន ជីវភាពរស់នៅនៅតែជួបការលំបាក ដូច្នេះគ្រប់គ្រួសារទាំងឡាយធ្វើនំដោយខ្លួន ដើម្បីបូជាដូនតាក្នុងបុណ្យទាន និងបុណ្យចូលឆ្នាំថ្មី។ នំប្រភេទនេះត្រូវបានក្មេងៗចូលចិត្តខ្លាំងណាស់ ហើយក៏ជាអំណោយសម្រាប់ទទួលភ្ញៀវដែលមកលេងផ្ទះផងដែរ។ ក្នុងរយៈពេលប៉ុន្មានឆ្នាំកន្លងមក យើងខ្ញុំបានធ្វើនំ khau sli ជាច្រើនដើម្បីលក់លើទីផ្សារ។ ជាពិសេសនៅពេលបុណ្យចូលឆ្នាំថ្មី គ្រួសារទាំងឡាយនឹងមមាញឹកក្នុងការធ្វើនំតាមតម្រូវការអ្នកប្រើប្រាស់។ ការធ្វើនំ khau sli បាននាំមកនូវប្រាក់ចំណូលស្ថិរភាពសម្រាប់គ្រួសារជាច្រើន…"។
    |
 |
|
ប្រជាជនភូមិ Na Hin ធ្វើនំ khau sli |
នំ khau sli ធ្វើឡើងដោយដៃ ដែលទាមទារឱ្យអ្នកធ្វើនំមានបទពិសោធន៍ច្រើន ភាពអត់ធ្មត់ និងល្អិតល្អន់។ ជាពិសេស គ្រួសារនីមួយៗតែងតែមានអាថ៌កំបាំងផ្ទាល់ខ្លួនក្នុងការប្រើប្រាស់គ្រឿងផ្សំ និងដំណាក់កាលធ្វើនំដើម្បីបង្កើតផលិតផលល្អបំផុត។ គ្រឿងផ្សំសម្រាប់ធ្វើនំ khau sli រួមមាន៖ អង្ករដំណើប ត្រាវ ស្រា និងដំឡូងមីស្ងួត។
អ្នកស្រី Hoang Thi Hien ប្រធានគណៈកម្មាធិការការងាររណសិរ្សភូមិ Na Hin បានមានប្រសាសន៍ថា៖ "បច្ចុប្បន្ន មានគ្រួសារជាច្រើននៅក្នុងភូមិ Na Hin ធ្វើនំ khau sli សម្រាប់ផ្គត់ផ្គង់នៅទីផ្សារ។ ក្នុងរយៈពេលប៉ុន្មានឆ្នាំកន្លងមក ផលិតផលដែលផលិតដោយអ្នកភូមិទទួលបានការពេញចិត្តពីអ្នកប្រើប្រាស់។ ខ្ញុំសង្ឃឹមថា របរធ្វើនំ khau sli របស់ជនជាតិភាគតិច Tay នៅទីនេះនឹងត្រូវបានអភិរក្ស និងអភិវឌ្ឍបន្ថែមទៀតក្នុងរយៈពេលប៉ុន្មានឆ្នាំខាងមុខ"៕
បកប្រែដោយ Huyen Trang