សេដ្ឋកិច្ចមានការរីកចម្រើននៅពេលដែលផ្នត់គំនិតផលិតកម្មមានការផ្លាស់ប្តូរ

ចាប់តាំងពីឆ្នាំ ២០១៤ មក  ដើម្បីជួយប្រជាជនអភិវឌ្ឍសេដ្ឋកិច្ច អាជ្ញាធរមូលដ្ឋានបានចលនាប្រជាជនឲ្យផ្លាស់ប្តូរគំនិត ដែល​ប្តូរទៅជាដាំអំពៅវិញ។ នេះគឺជាដំណាំដែលធន់នឹងគ្រោះរាំងស្ងួត និងធន់នឹងអាកាសធាតុក្តៅ សមស្របនឹងអាកាសធាតុ និងធាតុដីនៃឃុំនេះ។ ក្រុមហ៊ុនភាគហ៊ុនស្ករអំពៅ Thanh Hoa  ក៏បានចុះកិច្ចសន្យាទិញផលិតផលពីប្រជាជននៅទីនេះ ដែល​បានជួយដោះស្រាយនូវ “ការលក់” ជំរុញទឹកចិត្តឱ្យប្រជាជនមានស្ថិរភាពក្នុងផលិតកម្ម។

មិនត្រឹមតែឃុំ Da Phuc ទេ សព្វថ្ងៃនេះ ប្រជាជននៅឃុំ Bao Hieu  (ស្រុក Yen Thuy) ក៏កំពុងផ្លាស់ប្តូរបន្តិចម្តងៗ ពីផលិតកម្មខ្នាតតូចទៅជាផលិតកម្មខ្នាតធំដែរ។ លោក Nguyen Dinh Tuan មកពីភូមិ ២ ឃុំ Bao Hieu បានមានប្រសាសន៍ថា៖ “ដោយមានការចលនា និងការណែនាំពីអាជ្ញាធរមូលដ្ឋានចាប់តាំងពីឆ្នាំ ២០១៧ មក ខ្ញុំបានជួលដីពីប្រជាជននៅជុំវិញដើម្បីដាំដើមទំពាំងបារាំង។

ជនជាតិ Muong នៅឃុំ Da Phuc ស្រុក Yen Thuy (Hoa Binh) មានជីវភាពហ្នឹងន៏ដោយសារដាំអំពៅ

ដោយសារផលិតបានបរិមាណធំ និងមានគុណភាពនោះ ក្រុមហ៊ុនជាច្រើនបានចុះកិច្ចសន្យាទិញផលិតផល ដោយនាំមកនូវប្រាក់ចំណូលមានស្ថិរភាពសម្រាប់គ្រួសារ។ លោក Pham Manh Tuan អនុប្រធានមន្ទីរកសិកម្មនិងអភិវឌ្ឍន៍ជនបទស្រុក Yen Thuy បានអោយដឹងថា៖“ ដើម្បីរកទិសដៅក្នុងការអភិវឌ្ឍន៍សេដ្ឋកិច្ចក្នុងស្រុក ចាប់តាំងពីឆ្នាំ ២០១៤ ស្រុក Yen Thuy មានគំរោងផ្លាស់ប្ដូររចនាសម្ព័នដំណាំដោយផ្សារភ្ជាប់ជាមួយការបង្កើតកិច្ចសហប្រតិបត្តិការសេដ្ឋកិច្ច។  ស្រុកបានរួមបញ្ចូលគោលនយោបាយគាំទ្រជាច្រើនពីថ្នាក់កណ្តាល និងខេត្តដើម្បីជួយគាំទ្រដល់ប្រជាជន ឃោសនានិងចលនាប្រជាជនឱ្យធ្វើការវិនិយោគយ៉ាងខ្លាំងក្លា ផ្លាស់ប្តូរគំនិត និងការយល់ដឹងរបស់ខ្លួនចំពោះផលិតកម្មកសិកម្ម ផលិតផលនិងចំណីអាហារស្អាត និងមានសុវត្ថិភាព ឆ្លើយតបនឹងតម្រូវការទីផ្សារ។ ។ ម៉្យាងវិញទៀត អាជ្ញាធរមូលដ្ឋានក៏រួមដំណើរជាមួយប្រជាជនក្នុងការស្វែងរកទីផ្សារ ណែនាំ ផ្សព្វផ្សាយ និងភ្ជាប់ការប្រើប្រាស់ផលិតផលតាមរយៈបណ្តាញផ្សព្វផ្សាយដើម្បីនាំផលិតផលកសិកម្មស្អាត និងមានសុវត្ថិភាពរបស់មូលដ្ឋានទៅដល់គ្រប់តំបន់នៅទូទាំងប្រទេស”។

អាស្រ័យដោយការខិតខំប្រឹងប្រែងពីជនជាតិភាគតិច និងការចូលរួមពីប្រព័ន្ធនយោបាយទាំងមូល រហូតមកទល់ពេលនេះមាន គំរូផលិតកម្មរាប់សិបនៅស្រុក Yen Thuy ត្រូវបានពង្រីក បង្កើតជាតំបន់ផលិតកម្មមានលក្ខណៈប្រមូលផ្តុំដូចជា តំបន់ដាំក្រូចពោធិ៍សាត់ ក្រូចថ្លុងនៅឃុំ Ngoc Luong, Yen Tri, Bao Hieu; តំបន់ដាំត្រឡាចសុវត្ថិភាពនៅឃុំ Phu Lai, Doan Ket, Bao Hieu; តំបន់ដាំរុក្ខជាតិ​ឱសថនៅ Da Phuc, Lac Huong, Lac Sy; តំបន់ដាំអំពៅ Da  Phuc, Lac Luong … រួមចំណែកអភិវឌ្ឍន៍សេដ្ឋកិច្ចសង្គមក្នុងមូលដ្ឋាន នាំមកនូវជីវភាពធូរធារជូនប្រជាជន៕

បកប្រែដោយ Duy Hoan