ឥណ្ឌូណេស៊ី៖ រៀនសូត្រពីវៀតណាមនូវការដោះស្រាយចំពោះរលកទីពីរនៃការឆ្លងជំងឺ COVID-19 និងការស្តារសេដ្ឋកិច្ចឡើងវិញ
កប.អនឡាញ - អត្ថបទនេះគឺជាអត្ថបទមួយក្នុងចំណោមអត្ថបទស្តីអំពីវិធីដោះស្រាយរោគរាតត្បាតរបស់វៀតណាម។
ខណៈពេលដែលប្រទេសមួយចំនួននៅតែកំពុងខិតខំប្រយុទ្ធប្រឆាំងនឹងរលកទី ១ នៃការឆ្លងជំងឺ Covid-19 ដូចជា ឥណ្ឌូនេស៊ីនោះ តែវៀតណាមបានដោះស្រាយដោយជោគជ័យចំពោះរលកទី២ នៃការឆ្លងជំងឺ Covid-19។
កាលពីសប្តាហ៍មុន សារព័ត៌មានឥណ្ឌូនេស៊ីជាច្រើនបានកោតសរសើរចំពោះជ័យជំនះរបស់វៀតណាមដែលទទួលបាន ក្នុងការប្រយុទ្ធប្រឆាំងនឹងការរីករាលដាលនៃជំងឺរាតត្បាតសកល ហើយឲ្យដឹងថា ប្រទេសឥណ្ឌូនេស៊ីគប្បីរៀនសូត្រពីប្រទេសវៀតណាម។
|
|
អត្ថបទមានចំណងជើងថា "នេះជារបៀបដែលប្រទេសវៀតណាមបានពន្លត់រលកទី២ នៃការឆ្លងជំងឺ Covid-19 ដោយជោគជ័យ" ដែលចុះផ្សាយនៅលើគេហទំព័រ Kompas.com (រូបថត៖ vovworld.vn) |
កាសែតឥណ្ឌូណេស៊ី Kompas នៅថ្ងៃទី ២៧ ខែកញ្ញា មានអត្ថបទមួយដែលមានចំណងជើងថា “នេះជាវិធីដែលប្រទេសវៀតណាមបានពន្លត់រលកទី២ នៃការឆ្លងជំងឺ Covid-19 ដោយជោគជ័យ”។ ហើយនេះគឺជាអត្ថបទមួយក្នុងចំណោមអត្ថបទស្តីពីការដោះស្រាយរបស់វៀតណាមចំពោះជំងឺរាតត្បាត Covid-19។
កាសែត Kompas មានចំណាប់អារម្មណ៍យ៉ាងខ្លាំងលើការបង្ការប្រយុទ្ធប្រឆាំងនឹងជំងឺរាតត្បាតរបស់វៀតណាម។ ក្រៅពីចាត់វិធានការយ៉ាងត្រឹមត្រូវ និងឆាប់រហ័សពីរដ្ឋាភិបាលនោះ អត្ថបទនេះក៏បានបង្ហាញពីការពិតដែលថាពលរដ្ឋវៀតណាមចំនួន ៩៧% យល់ព្រមនឹងវិធានការរបស់រដ្ឋាភិបាលក្នុងការដោះស្រាយជំងឺរាតត្បាត Covid-19។ នេះបើយោងតាមលទ្ធផលនៃការស្ទង់មតិដោយអង្គការស្រាវជ្រាវអន្តរជាតិ YouGov (ចក្រភពអង់គ្លេស)។
ក្នុងអត្ថបទ "ការដោះស្រាយជំងឺ Covid-19 និងការស្តារសេដ្ឋកិច្ចឡើងវិញរបស់វៀតណាម ដោយស្នើឱ្យឥណ្ឌូនេស៊ីរៀនសូត្រពីប្រទេសវៀតណាម" អ្នកនិពន្ធអត្ថបទនេះបានឲ្យដឹងថា ប្រទេសជាច្រើននៅលើពិភពលោកបានជួបប្រទះនូវវិបត្តិសេដ្ឋកិច្ចដោយសារតែ Covid-19 ប៉ុន្តែនៅមានប្រទេសខ្លះមិនទាន់ជួបវិបត្តិនោះគឺប្រទេសវៀតណាម។
ខណៈពេលដែលប្រទេសឥណ្ឌូនេស៊ីប្រឈមនឹងវិបត្តិសេដ្ឋកិច្ចដោយកំណើនអវិជ្ជមាន ៥.២៣% នៅត្រីមាសទី ២ ឆ្នាំ ២០២០ តែប្រទេសវៀតណាមនៅតែសម្រេចបានកំណើន ០.៣៦%។ អត្ថបទនេះក៏អះអាងផងដែរថា វិធីសាស្រ្តរបស់វៀតណាមក្នុងការដោះស្រាយបញ្ហារោគរាតត្បាត តែនៅរក្សាបាននូវប្រសិទ្ធភាពសេដ្ឋកិច្ចអាចជាគំរូមួយសម្រាប់ឥណ្ឌូណេស៊ី។
ការទទួលបានជោគជ័យរបស់វៀតណាមក្នុងការដោះស្រាយ Covid-19 នោះ ក៏ជាប្រធានបទរបស់សារព័ត៌មានអនឡាញឥណ្ឌូនេស៊ីដទៃទៀតកាលពីសប្តាហ៍មុនដូចជា Tempo.com, IDN Times, Indogo, និង Indoonline ផងដែរ៕
បកប្រែដោយ Duy Hoan