ឱកាសក្លាយជាមជ្ឈមណ្ឌលសេដ្ឋកិច្ចឌីជីថលនៃតំបន់

រដ្ឋាភិបាលបាននឹងកំពុងចាត់វិធានការជាចាំបាច់ដើម្បីបង្កើតលក្ខខណ្ឌសម្រាប់ការអភិវឌ្ឍន៍សេដ្ឋកិច្ចឌីជីថល

កាលពីចុងឆ្នាំ ២០២៤ វៀតណាមបានធ្វើពាណិជ្ជកម្មជាផ្លូវការនូវបណ្តាញ 5G ដោយមានការចូលរួមពីក្រុមហ៊ុន Viettel និង VNPT ។ ជាពិសេស Viettel បានបើកដំណើរការបណ្តាញ 5G របស់ខ្លួននៅថ្ងៃទី ១៥ ខែតុលា ឆ្នាំ ២០២៤ ត្រឹមតែ ៦ ខែប៉ុណ្ណោះបន្ទាប់ពីទទួលបានអាជ្ញាប័ណ្ណប្រើប្រាស់ប្រេកង់ ២៦០០ MHz ខណៈពេលដែល VNPT បានប្រកាសជាផ្លូវការនូវការផ្តល់សេវា 5G ល្បឿនលឿនទំនើប ចាប់ពីថ្ងៃទី ២០ ខែធ្នូ ឆ្នាំ២០២៤ សម្រាប់អ្នកប្រើប្រាស់ VinaPhone ទូទាំងប្រទេស។ ដោយមិនបង្អង់យូរ MobiFone ក៏ទទួលបានអាជ្ញាប័ណ្ណប្រើប្រេកង់ C3 និងកំពុងបំពេញនីតិវិធីជាបន្ទាន់ដើម្បីធ្វើពាណិជ្ជកម្ម 5G ក្នុងពេលឆាប់ៗនេះ។

ការផ្លាស់ប្តូរជាវិជ្ជមាន

ដោយកត់សម្គាល់ថា វៀតណាមកំពុងកសាងហេដ្ឋារចនាសម្ព័ន្ធឌីជីថលទំនើបជាបណ្តើរៗ ដើម្បីគាំទ្របណ្តាញ 5G លោកស្រី Rita Mokbel ប្រធានក្រុមហ៊ុន Ericsson វៀតណាមបានឲ្យដឹងថា 5G នឹងដើរតួនាទីយ៉ាងសំខាន់ក្នុងការជំរុញបដិវត្តន៍ឧស្សាហកម្ម 4.0 ទាក់ទាញការវិនិយោគពីបរទេស និងជំរុញកំណើនសេដ្ឋកិច្ចនៅវៀតណាម។ ទន្ទឹមនឹងនេះ 5G ក៏មានសក្ដានុពលក្នុងការក្លាយជាកត្តាផ្លាស់ប្តូរដ៏សំខាន់នៅក្នុងវិស័យជាច្រើន បើកដំណើរការស្វ័យប្រវត្តិកម្ម ការកែលម្អផលិតភាព និងបង្កើនប្រសិទ្ធភាពការគ្រប់គ្រងធនធាន។ វិស័យដែលនឹងទទួលបានប្រយោជន៍ច្រើនជាងគេគឺជា logistics ទីក្រុងឆ្លាតវៃ ផលិតកម្ម...

សមាមាត្រផ្ទាល់ទៅនឹងល្បឿននៃការវិនិយោគលើហេដ្ឋារចនាសម្ព័ន្ធឌីជីថលទំនើប និងសុវត្ថិភាព កន្លែងថ្មីសម្រាប់កំណើនសេដ្ឋកិច្ចឌីជីថលរបស់វៀតណាមកំពុងត្រូវបានបើកជាមួយនឹងឱកាសដ៏អស្ចារ្យជាច្រើន។ លោកសាស្ត្រាចារ្យ Tran Tho Dat ប្រធានក្រុមប្រឹក្សាវិទ្យាសាស្ត្រ និងបណ្តុះបណ្តាល សាកលវិទ្យាល័យសេដ្ឋកិច្ចជាតិបានមានប្រសាសន៍ថា សេដ្ឋកិច្ចវៀតណាមកំពុងផ្លាស់ប្តូរយ៉ាងឆាប់រហ័សដោយសារការអនុវត្តបច្ចេកវិទ្យាឌីជីថលថ្មី ដែលបង្ហាញពីសក្ដានុពលដ៏អស្ចារ្យនៃសេដ្ឋកិច្ចឌីជីថលក្នុងប៉ុន្មានឆ្នាំខាងមុខ។ វិស័យជាច្រើនកំពុងធ្វើឌីជីថលយ៉ាងឆាប់រហ័ស រួមទាំងពាណិជ្ជកម្មអេឡិចត្រូនិក ទេសចរណ៍ មាតិកាឌីជីថល និងបច្ចេកវិទ្យាហិរញ្ញវត្ថុ រដ្ឋាភិបាលអេឡិចត្រូនិក និងសង្គមឌីជីថល ក៏បានបោះជំហានទៅមុខដ៏អស្ចារ្យផងដែរ។ ទាក់ទងនឹងរចនាសម្ព័ន្ធសេដ្ឋកិច្ចឌីជីថល ក្នុងវិស័យពាណិជ្ជកម្មអេឡិចត្រូនិកមានការអភិវឌ្ឍន៍គួរឱ្យចាប់អារម្មណ៍ជាមួយនឹងអត្រាកំណើនប្រចាំឆ្នាំជាមធ្យម ១៦-៣០% ក្នុងរយៈពេល ៤ ឆ្នាំចុងក្រោយនេះ លឿនជាង ២.៣ ដងបើប្រៀបធៀបនឹងពាណិជ្ជកម្មអេឡិចត្រូនិកធម្មតា ក្នុងរយៈពេលពី ២០២២-២០២៥ និង គឺស្ថិតក្នុងចំណោមខ្ពស់បំផុតក្នុងពិភពលោក។ ក្នុងរយៈពេល ៥ ឆ្នាំចុងក្រោយនេះ អាជីវកម្មវៀតណាមបានពង្រីកវិសាលភាពប្រតិបត្តិការអន្តរជាតិ សហគ្រាសធុនតូច និងមធ្យមជាច្រើនទទួលបានប្រាក់ចំណូលប្រចាំឆ្នាំជាង ១ លានដុល្លារ ជាមួយនឹងចំនួនផលិតផលនាំចេញតាមរយៈវេទិកាពាណិជ្ជកម្មអន្តរជាតិកើនឡើង ៣០០% ។  ប្រព័ន្ធអេកូឡូស៊ីនៃការចាប់ផ្តើមអាជីវកម្មកំពុងអភិវឌ្ឍយ៉ាងស្វាហាប់ ជាពិសេសក្នុងវិស័យបច្ចេកវិទ្យា ជាមួយនឹងចំនួននៃការចាប់ផ្តើមអាជីវកម្មបច្ចេកវិទ្យាកើនឡើងយ៉ាងឆាប់រហ័ស ជាពិសេសនៅទីក្រុងធំៗដូចជាហាណូយ និងទីក្រុងហូជីមិញ។

សេដ្ឋកិច្ចឌីជីថលកំពុងជ្រាបចូលគ្រប់សកម្មភាពផលិតកម្ម អាជីវកម្ម និងការប្រើប្រាស់ ដែលផ្លាស់ប្តូរជាមូលដ្ឋាននៃជីវិតសេដ្ឋកិច្ច វប្បធម៌ និងសង្គមរបស់ប្រទេស។ យោងតាមអង្គការសហប្រជាជាតិ នៅឆ្នាំ ២០២៤ សន្ទស្សន៍រដ្ឋាភិបាលអេឡិចត្រូនិក (EGDI) របស់វៀតណាមនឹងជាប់ចំណាត់ថ្នាក់លេខ ៧១/១៩៣ កើនឡើង ១៥ ថ្នាក់ បើធៀបនឹងឆ្នាំ ២០២២ និងចំណាត់ថ្នាក់លេខ ៥/១១ នៅអាស៊ីអាគ្នេយ៍កើនឡើងមួយថ្នាក់។ នេះជាលើកទីមួយហើយដែលវៀតណាមជាប់ចំណាត់ថ្នាក់ក្នុងក្រុម EGDI ក្នុងកម្រិតខ្ពស់បំផុត និងមានចំណាត់ថ្នាក់ខ្ពស់បំផុតចាប់តាំងពីចាប់ផ្តើមចូលរួមក្នុងការវាយតម្លៃ។

វឌ្ឍនភាពលេចធ្លោក្នុងចំណាត់ថ្នាក់ EGDI បានរួមចំណែកធ្វើឱ្យប្រសើរឡើងនូវតួនាទីរបស់ប្រទេស ដោយហេតុនេះជំរុញកំណែទម្រង់រដ្ឋបាល ធ្វើឱ្យសកម្មភាពសាធារណៈរបស់ភ្នាក់ងាររដ្ឋមានតម្លាភាព និងទាក់ទាញការវិនិយោគឱ្យកាន់តែប្រសើរឡើង។ ទន្ទឹមនឹងនោះ ដំណើរធ្វើបរិវត្តកម្មឌីជីថលក្នុងវិស័យផលិតកម្ម ជាវិស័យដែលចាត់ទុកថាមានការលំបាក និងចំណាយកាន់តែច្រើន - ក៏មានមេរៀនជោគជ័យជាច្រើនត្រូវបានចែករំលែកផងដែរ។ ដូចរឿងរបស់ក្រុមហ៊ុន Rang Dong បន្ទាប់ពីការធ្វើបរិវត្តកម្មឌីជីថលត្រឹមតែមួយឆ្នាំ ក្នុងឆ្នាំ ២០២៤ ប្រាក់ចំណូលនៃផលិតផលបច្ចេកវិទ្យាខ្ពស់របស់សហគ្រាសនេះបានកើនឡើង ១៤៤% បើធៀបនឹងឆ្នាំមុន ដោយប្រាក់ចំណូលរំពឹងទុកនឹងឈានដល់ប្រហែល ១១ ពាន់ពាន់លានដុង កើនឡើងជាង ២.៥ ដងបើធៀបនឹងមុនការធ្វើបរិវត្តកម្មឌីជីថល... បច្ចេកវិទ្យាឌីជីថលបានបង្កើតរបកគំហើញនៃផលិតភាពការងារ សមត្ថភាពប្រកួតប្រជែង គុណភាពផលិតផលសម្រាប់សហគ្រាស និងជាមូលដ្ឋានគ្រឹះសម្រាប់ Rang Dong មានបំណងបង្កើតកម្រិតកំណើនថ្មីពី ២០-២៥%/ឆ្នាំ សម្រាប់រយៈពេល ២០២៥-២០៣០។

យន្តការសាកស្បងសម្រាប់សេដ្ឋកិច្ចឌីជីថល

យោងតាមក្រសួងព័ត៌មាន និងសារគមនាគមន៍ អត្រាអភិវឌ្ឍន៍សេដ្ឋកិច្ចឌីជីថលរបស់វៀតណាមបច្ចុប្បន្នមានប្រហែល ២០% ក្នុងមួយឆ្នាំ ច្រើនជាងបីដងល្បឿនកំណើន GDP។ សមាមាត្រនៃសេដ្ឋកិច្ចឌីជីថលនៅក្នុង GDP នៅឆ្នាំ ២០២៤ នឹងឈានដល់ប្រហែល ១៨.៣% ឆ្ពោះទៅរកគោលដៅនៃការនាំយកសមាមាត្រនៃសេដ្ឋកិច្ចឌីជីថលដល់ ២០% នៃផលិតផលក្នុងស្រុកសរុបនៅឆ្នាំ ២០២៥5 ដូចមានចែងក្នុងយុទ្ធសាស្ត្រជាតិសម្រាប់ការអភិវឌ្ឍសេដ្ឋកិច្ចឌីជីថល និងសង្គមឌីជីថលនៅឆ្នាំ ២០២៥ ការតំរង់ទិសដល់ឆ្នាំ ២០៣០ ត្រូវបានអនុម័តដោយនាយករដ្ឋមន្ត្រីក្នុងសេចក្តីសម្រេចលេខ 749/QD-TTg ។ ក្នុងរយៈពេល ២០២១-២០២៤ ការធ្វើបរិវត្តកម្មឌីជីថលនឹងត្រូវបានលើកកម្ពស់ក្នុងទិសដៅរបស់ប្រជាជនទាំងមូល ទូលំទូលាយ ជាមួយនឹងលទ្ធផលជាក់ស្តែង រួមចំណែកជាវិជ្ជមានដល់ការអភិវឌ្ឍន៍សេដ្ឋកិច្ចសង្គមរបស់ប្រទេស។ សេដ្ឋកិច្ចឌីជីថល និងសង្គមឌីជីថលបន្តរីកចម្រើនខ្លាំង ផលិតផលឌីជីថលរបស់អង្គភាពអាជីវកម្មវៀតណាមបន្តអភិវឌ្ឍន៍ និងនាំចេញជុំវិញពិភពលោក។

យោងតាមលោកស្រី Nguyen Minh Thao ប្រធាននាយកដ្ឋានស្រាវជ្រាវបរិយាកាសធុរកិច្ច និងការប្រកួតប្រជែង វិទ្យាស្ថានមជ្ឈិមសម្រាប់ការស្រាវជ្រាវគ្រប់គ្រងសេដ្ឋកិច្ចនៅវៀតណាម រដ្ឋាភិបាលបាននិងកំពុងចាត់វិធានការចាំបាច់ដើម្បីបង្កើតលក្ខខណ្ឌអំណោយផលសម្រាប់ការអភិវឌ្ឍន៍សេដ្ឋកិច្ចឌីជីថល រួមទាំង ស្រាវជ្រាវដើម្បីបង្កើតក្របខ័ណ្ឌច្បាប់ដើម្បីដាក់ពង្រាយយន្តការសាកល្បង និងយន្តការជាក់លាក់សម្រាប់គំរូសេដ្ឋកិច្ចផ្អែកលើវិទ្យាសាស្ត្របច្ចេកវិទ្យា និងនវានុវត្តន៍។ ទោះជាយ៉ាងណាក៏ដោយ ដំណើរការសម្រេចយន្តការ និងគោលនយោបាយសម្រាប់ការអភិវឌ្ឍន៍សេដ្ឋកិច្ចឌីជីថល ចាំបាច់ត្រូវជំរុញបន្ថែមទៀត ដើម្បីបង្កើតរបកគំហើញ រួមទាំងការសាកល្បងគំរូថ្មី ដើម្បីបំពេញតាមតម្រូវការជាក់ស្តែង និងនិន្នាការអភិវឌ្ឍន៍។

បកប្រែដោយ Duy Hoan