អង្គភាពអាជីវកម្មបារាំងស្វែងរកឱកាសសហប្រតិបត្តិការវិនិយោគ និងធ្វើអាជីវកម្មនៅវៀតណាម

លោកឧបនាយករដ្ឋមន្ត្រី Tran Hong Ha បានវាយតម្លៃខ្ពស់ចំពោះដំណើរទស្សនកិច្ចនៅវៀតណាមរបស់គណៈប្រតិភូ MEDEF ព្រមទាំងសង្ឃឹមថាបន្ទាប់ពីដំណើរទស្សនកិច្ចនេះ អង្គភាពអាជីវកម្មបារាំងនឹងកំណត់វិស័យ គម្រោងសហប្រតិបត្តិការនិងវិនិយោគសំខាន់ៗ សមស្របនឹងតម្រូវការ និងប្រៀបខ្លាំងរបស់​វៀត​ណាម។

លោកឧបនាយករដ្ឋមន្ត្រី Tran Hong Ha និងគណៈប្រតិភូសហព័ន្ធនិយោជកបារាំងអន្តរជាតិ (រូបថត៖ baochinhphu.vn)

លោក Olivier Brochet ឯកអគ្គរដ្ឋទូតបារាំងប្រចាំវៀតណាម និងលោក Francois Corbin បានឲ្យដឹងថា អង្គភាពអាជីវកម្មបារាំងកំពុងស្វែងរកឱកាសវិនិយោគនៅវៀតណាមលើវិស័យថាមពលកកើតឡើងវិញ ថាមពលនុយក្លេអ៊ែរ ផ្លូវរថភ្លើងល្បឿនលឿន ផ្លូវរថភ្លើងក្នុងទីក្រុង ការជីកយករ៉ែ និងការប្រព្រិត្តិកម្មរ៉ែជាយុទ្ធសាស្ត្រ ការអប់រំ សុខាភិបាល ស្បៀងអាហារ។ល។ អង្គភាពអាជីវកម្មបារាំងជាច្រើនយកចិត្តទុកដាក់ដល់គម្រោងផលិតកម្ម និងអាជីវកម្ម សន្យាសហការជាមួយវៀតណាមក្នុងការកសាង បំពេញគោលនយោបាយ ការស្រាវជ្រាវ និងផ្ទេរបច្ចេកវិទ្យា និងការបណ្តុះបណ្តាលធនធានមនុស្ស។

នៅក្នុងជំនួបការងារ លោកឧបនាយករដ្ឋមន្ត្រី Tran Hong Ha បានពិភាក្សាលើអនុសាសន៍ជាក់លាក់មួយចំនួនពីអង្គភាពអាជីវកម្មទាក់ទងនឹងការជ្រើសរើសវិនិយោគិនក្នុងវិស័យរុករក ប្រេង និងឧស្ម័ន; កៀរគរហិរញ្ញវត្ថុបៃតង ផ្ទេរបច្ចេកវិទ្យា អនុវត្តគម្រោងបំប្លែងថាមពល; សហប្រតិបត្តិការលើការអភិវឌ្ឍថាមពលនុយក្លេអ៊ែរ​​និងបន្សាបកាបូននៅរោងចក្រថាមពលកំដៅ និងផ្នែកសេដ្ឋកិច្ចដែលបញ្ចេញឧស្ម័នធំ៕

បកប្រែដោយ Huyen Trang