វៀតណាមត្រូវបានគេព្យាករថាស្ថិតក្នុងក្រុមប្រទេសអាស៊ានដែលមានកំណើនសេដ្ឋកិច្ចល្អ
កប.អនឡាញ - នៅថ្ងៃទី ១០ ខែមិថុនា ក្រុមហ៊ុន Maybank Research Pte បានព្យាករណ៍ថា ផលិតផលក្នុងស្រុកសរុប (GDP) នៃប្រទេសសមាជិកចំនួន ៦ នៃសមាគមប្រជាជាតិអាស៊ីអាគ្នេយ៍ (អាស៊ាន) រួមមាន ឥណ្ឌូនេស៊ី វៀតណាម ម៉ាឡេស៊ី ហ្វីលីពីន សិង្ហបុរី និងថៃ នឹងសម្រេចបាននូវកំណើនដ៏ល្អក្នុងឆ្នាំ ២០២៤ និងឆ្នាំ ២០២៥។
នៅក្នុងរបាយការណ៍មួយដែលមានចំណងជើងថា "បញ្ហាអាស៊ាន៖ បណ្ដាប្រទេសត្រួសត្រាយថ្មី" ក្រុមហ៊ុន Maybank Research Pte ឲ្យដឹងថា កំណើន GDP នឹងត្រូវបានជំរុញដោយផលិតកម្មនិងការនាំចេញ ជាពិសេសមុខទំនិញអេឡិចត្រូនិកកំពុងជួយងើបឡើងវិញនៃកំណើនក្នុងឆមាសទីមួយនៃឆ្នាំនេះ។
យោងតាមក្រុមហ៊ុន Maybank Research Pte បានបង្ហាញថា បញ្ញាសិប្បនិមិត្ត (AI) និងការអភិវឌ្ឍនៃមជ្ឈមណ្ឌលទិន្នន័យ រួមជាមួយនឹងតម្រូវការអេឡិចត្រូនិកសកលកើនឡើងដែលកំពុងបង្ហាញច្បាស់នូវទស្សនវិស័យសម្រាប់ពាណិជ្ជកម្ម និងការវិនិយោគផ្ទាល់ពីបរទេស (FDI)។ ក្រុមហ៊ុន Maybank Research Pte ក៏លើកច្បាស់ថា អាស៊ានបានលេចចេញជាគោលដៅដែលទាក់ទាញក្រុមហ៊ុនពហុជាតិ (MNCs) ធ្វើពិពិធកម្មសង្វាក់ផ្គត់ផ្គង់ផលិតកម្មនៅក្រៅប្រទេសចិន។ ប្រការនេះបាននាំឱ្យមានការកើនឡើងយ៉ាងខ្លាំងនៃការចុះបញ្ជី FDI ទៅកាន់ប្រទេសអាស៊ានមួយចំនួនដូចជា ម៉ាឡេស៊ី ថៃ វៀតណាម និងឥណ្ឌូនេស៊ី៕
បកប្រែដោយ Pham Diep